NAMBAR 20:11 - Pathien Lekhabu Inthieng (BSI)

¹¹ Mosie chun a bân a phar a, lungpui chu a hmawl chun vawi hni a hang vuok a; chuongchun, tui a hung suok ta zur zur el a, pungkhâwmhai le an ranhai chun an dâwn ta a.

NAMBAR 20:11 ပူးပေါင်းရင်းမြစ်များ

1 CHANCHIN SUINA 15:13

A hmasa khawm khan nangniin in phur naw leiin Lalpa ei Pathien chun a mi lo sukṭhul ta a; thupêk angtaka ei lo thaw naw leiin,” a ta.

1 CHANCHIN SUINA 15:2

Chun, David chun, “Tu dang khawm ni lovin, Levi mihai chauin Pathien bâwm chu hang la raw hai se; Lalpa chun anni chu Pathien bâwm phur dinga a ruot le ama ta dinga rawngbâwl zing zing dinga a ruot an ni si a,” a ta.

INPÂKNA HLABU 105:41

Lungpui chu a hawng a; chuongchun, tui a hung suok zur zur a, Hmun ṭâwlahai chun vadung ang el hin a luong ta a.

INPÂKNA HLABU 114:8

Ama chun lungpui chu dîlah ân changtir a, Meitâwklung chu tuihnârah ân changtir bawk a.

INPÂKNA HLABU 74:15

Nang chun tuihnâr le tuilien chu în ṭhe huk a, Nang chun vadung lientak takhai chu i sukkang a.

INPÂKNA HLABU 78:15

Thlalêra chun lungpuihai a sukkhawi bawk a, Tui inthûktaka inthawk ang el, ditkhawpa dâwn ding a pêk a.

INPÂKNA HLABU 78:16

Lungpuia inthawk chu vadunghai a suksuok a, Tuihai chu vadungpuihai ang elin ân luong thlâktir a.

INPÂKNA HLABU 78:20

Ngai ta, lungpui chu a vuokin tuihai kha a hung inkhâw suokin, Vadunghai chu a kuong a liem pûr pûr ta luo a, Bu khawm a pêk thei nghâl am chu? A mihai ta ding hin sa a buotsai ding am chu?” an ti a.

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

HOSEA 13:5

Ram ṭâwl nasatak, thlalêra inruolpui hlak che kha ka nih.

LEVI DÂN 10:1

Aron naupasalhai Nadab le Abihu chun an mei lâkna chu an lâk ve ve a, chutaka chun meiling chu an sie a, riminhnik chu an phul a, Lalpa hmaah thu a pêk naw dântakin mei inthiengnaw an inhlân a.

NAMBAR 20:8

Chuongchun, Lalpain Mosie chu, “Hmawl la la, pungkhâwmhai chu inumkhâwmtir la, nang le i unau Aron leh, an mithmuah lungpui chu a tui suksuok dingin hril la, lungpuia inthawk chun tui la suokpêk i ta; chuongchun, pungkhâwmhai le an ranhai chu în dâwntir ding annâwm,” tiin a biek a.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

1 KORINTH 10:4

an rêngin thlarau tieng dâwn ding hmunkhat khawm an dâwn seng kha; anni zuitu thlarau tieng lungpuia kha an dâwn seng kha; chu lungpui chu Krista a nih.

DÂN PAHNINA 8:15

Ama chun thlalêr lientak le rapthlâktak, rûl chukna chi le ainuvêt umna, tui um nawna, ram ṭâwlah a ṭhuoi thleng cheu a; meitâwklung lungpuia inthawk chun tui a suksuokpêk cheu a,

JAKOB 1:20

mihriem lunginsenna chun Pathien felna chu a siem si nawh.

RORELTUHAI 15:19

Chuongchun, Pathien chun Lehi hmuna khur um chu a hung sukkak phuk a; chun, tui a hung inchik suok ta a; chu chu a hang dâwn chun a lungril a hung hrât nâwk ta a, a hung har ta huoi a, chuongchun, chu hminga chun En-hakkore an ti ta a, tu chen hin Lehi hmuna chun a la um zing a nih.

1 SAMUEL 15:19

Iengdinga Lalpa thu chu zâwm lo a, râllâk thil chu a bawin i baw a, Lalpa mithmua thil ṭha naw i thaw el am?” a ta.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, Lalpa thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.