NAMBAR 2:18 - Pathien Lekhabu Inthieng (BSI)

¹⁸ “An pâwl tam dân izir peiin a thlangtieng panga chun Ephraimhai um an ta, An ṭhuoitu ding chu Ammihud naupa Alisama nîng a tih.

NAMBAR 2:18 ပူးပေါင်းရင်းမြစ်များ

INṬANNA 48:5

Chun, i naupasalhai pahni, Aiguptaa i kuoma ka hung hmaa i neihai hi, ka ta an nih: Ephraim le Manasse hi, Reuben le Simeon ang bawkin ka ta nîng an tih.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

NAMBAR 1:10

Josef thla, Ephraim hnama mi Ammihud naupa Elisama. Manasse hnama mi Pedahzur naupa Gamaliel.

NAMBAR 1:32

Josef thla laia mi Ephraim thla suonhai chu a chi chiin, an pahnam hnamin, an hming tam dân ang peiin kum sâwmhni chin chungtieng, râl kâp thei chin,

NAMBAR 10:22

Ephraimhai chu an pâwl tam dân ang peiin an suok a; an hotu chu Ammihud naupa Elisama a nih;

NAMBAR 2:19

A pâwlhai tamzie chu sîng li le za nga an nih.

NAMBAR 7:48

Ni sari ni chun Ephraim mihai ṭhuoitu Ammihud naupa Eliasam chun ân hlân a;

NAMBAR 7:53

chun, inremna inthâwi thilinhlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Ammihud naupa Eliasam thilinhlânhai chu an nih.

DÂN PAHNINA 33:17

A ropuina chu a bâwngchal pieng hmasa ropuina ang a na, A ki chu ramsiel ki ang a nih. Chuhai chun, hnam tin sik a tih, kâwlkawdawng chenin, Chuonghai chu Ephraim sâng sâwmhai an na, Manasse sâng tamtak chu an nih,” a ta.