NAMBAR 19:13 - Pathien Lekhabu Inthieng (BSI)

¹³ Tukhawma tu ruong khawm a thema ân thien naw chun Lalpa biekbûk a sukpawrche a nih; ama chu Israel mihaia inthawka tuithlâr ding a nih; inthienna tui chu a chunga the lo a ni leiin thieng naw a nih, ân thieng nawna chu a chungah a la um a nih.

NAMBAR 19:13 ပူးပေါင်းရင်းမြစ်များ

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka tuithlâr nîng a tih,’ tiin,” a ta.

THUVARHAI 14:32

Mi khawhlo chu a thilthaw rilova chun sukthlûkin a um a, Mi fel ruok chun a thinaa chun beiseina a nei hlak.

EZEKIEL 44:26

Chun, sukthieng a ni hnunga chun ama chu ni sari tiempêk an tih.

LEVI DÂN 15:31

“Hieng ang hin Israel mipuihai chu an inthiengnawnaa inthawk chu i sukthieng ding a nih, anni laia ka biekbûk um chu an sukpawrche châng khawma, an pawrchena leia an thi nawna dingin,” tiin.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 22:3

An kuomah, ‘In suonhai chena in thlahai po po lai tukhawm inthiengnaw puma Israel mipuihaiin Lalpa kuoma an inhlân thil inthieng hung hnai taphawt chu keimaa inthawka tuithlârin a um ding a nih. Kei hi Lalpa chu ka nih.

LEVI DÂN 22:4

Aron thla tukhawm inphârna amanih, thipût amani chun ân thieng hmakhat chun, thil inthienghai laia mi chu a tâwk taphawt le,

LEVI DÂN 5:17

“Nangni laia tukhawmin Lalpain thaw lo dinga thu a pêkhai thawin a lo suksuol chun, hriet naw leia a thaw khawm ni sien,thiemnaw chang ning a ta,a suksuol maw chu phur a tih.

LEVI DÂN 5:3

Mihriem inthiengnawna ieng ang khawm, a thiengnawna hre lova a them pal khawmin, a hriet suok pha chun thiemnaw chang a tih.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 7:20

inthienglo puma Lalpa chanpuol inremna thilinhlân inthâwina sa fatu ruok chu, a chipuihai laia inthawka tuithlârin a um ding a nih.

LEVI DÂN 7:21

Tukhawma thil inthiengnaw hrim hrim, mi inthiengnaw amanih, ran inthiengnaw amanih, thil tirdakum pawrche hrim hrim a tâwk a, inremna thilinhlân inthâwina sa, Lalpa chanpuol chu a fâk chun, ama chu a chipuihai laia inthawka tuithlârin a um ding a nih,” tiin.

NAMBAR 15:30

Amiruokchu, ân dittâwk leia thaw a ni ruok chun, chu rama pieng amanih, hnam dang amanih khawm ni sienla, Lalpa hrilsie a nih; ama chu a chipuihai laia inthawk tuithlâr ding a nih.

NAMBAR 19:14

“Mi puon inah a thi chun hi hi a dân ding a nih: puon in lût taphawt le puon in sûnga um taphawt chu ni sari thienglo nîng a tih.

NAMBAR 19:18

bêlah tuikhur tui leh sung a tih. Chun, mi thiengin husop lâng a ta, tuia chun inchieng a ta, puon in dâm, bûrlebêl po pohai, chutaka mi um po pohai, ru amanih, that ruong amanih, mithi ruong amanih, thlân amanih tâwktuhai chu thêng a ta;

NAMBAR 19:19

chun, mi thiengin ni thum ni le ni sari niin mi thieng naw chu thêng a ta, ni sari ni chun sukthieng a ta; a silfênhai sâwp a ta, insil a ta, zântieng chun hung inthieng tâng a tih.

NAMBAR 19:20

Mi thienglo, inthien lo ruok chun Lalpa hmun inthieng a sukpawrche leiin ama chu pungkhâwmhai laia inthawka tuithlâr ding a nih; inthienna tuia the lo a na, thienglo a nih.

NAMBAR 19:9

Insukpawrchenaw mi pakhatin bâwngla vâm chu la khâwm a ta, riebûk puo hmun faiah sieng a ta; chuonghai chu, suol thaihmangna dinga, Israel mipuihai inthieng nawna sukfaina tui siemna dingin sie ṭhat nîng an tih.

NAMBAR 8:7

Anni chu sukthieng dingin hieng ang hin i thaw ding a nih; an chungah intlêng faina tui infar la, an taksa po po chu invâwtir la; an puonhai insâwptir la, insukthiengtir rawh.

NAMBAR 9:13

Amiruokchu, thieng si, thanghmangna khawm nei chuong lova Fekân ruoiṭhea ṭhang lo chu a chipuihai laia inthawk sât thlâk nîng a ta; a hunbia Lalpa kuoma thilinhlân chu ân hlân naw leiin ama chun a suol maw chu phur a tih.

JOHAN 8:24

Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

HEBRAIHAI 10:29

Pathien Naupa sirde a, thuthlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, taksa tieng dânhai chau siem ṭhat hun hmaa dinga ruot chu a nih.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:11

Mi felnaw chu sukfelnawin um zing raw se, mi inthiengnaw chu sukthiengnawin um zing raw se, mi fel chu sukfelin um zing raw se, mi inthieng chu sukthiengin um zing raw se.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.