NAMBAR 19:11 - Pathien Lekhabu Inthieng (BSI)

¹¹ “Tu ruong khawm themtu chu ni sari thienglo nîng a tih.

NAMBAR 19:11 ပူးပေါင်းရင်းမြစ်များ

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

ṬAP HLA 4:14

Kawtthlêrhaia chun mitdel angin an invâk a, thisenin an pawrche a, Chuleiin, mi tukhawma an silfênhai chu an them thei nawh.

EZEKIEL 39:12

Chun, ram chu an sukthieng theina dingin Israel sûngkuohai chun anni chu thla sari sûng phûm an ta.

EZEKIEL 44:26

Chun, sukthieng a ni hnunga chun ama chu ni sari tiempêk an tih.

LEVI DÂN 11:31

Hieng hi bawkinvâk chi po po laia in ta dinga thil tirdakumhai chu an nih.

LEVI DÂN 21:1

Lalpa chun Mosie kuomah, “Aron naupasal thiempuhai chu hril la an kuomah, ‘Mi tukhawm mithi leiin an chipuihai lai an insukpawrche ding a ni nawh.

LEVI DÂN 21:11

mithi ruong umnaa chun a lût ding a ni naw a, a pa amanih, a nu amani leiin ân sukpawrche ding a ni nawh;

LEVI DÂN 22:4

Aron thla tukhawm inphârna amanih, thipût amani chun ân thieng hmakhat chun, thil inthienghai laia mi chu a tâwk taphawt le,

LEVI DÂN 5:2

Tukhawma thil thiengnaw hrim hrim, ramsa thiengnaw ruong amanih, invâka invâk chi ran inthiengnaw ruong amanih hre lo khawmin lo themin hung pawrche ta sienla, thiemnaw chang a tih.

HAGGAI 2:13

Chun, Haggai chun, “Mi sa thi ruong leia inthieng naw chun hieng thil a iengkhawm hi tâwk sienla, thieng naw a ni ding am a ni”? a ta. Thiempuhai chun, “Thieng naw a ni ngei ding a nih,” tiin an dawn a.

NAMBAR 19:16

Tukhawmin khawhnâwma kâwlhnâma that amanih, mithi ruong amanih, mihriem ru amanih, thlân amanih a tâwk chun ni sari thienglo a nih.

NAMBAR 31:19

Chun, khawhnâwmah ni sari riek unla, tukhawm mi that le mithi tâwk taphawt chu ni thum ni le ni sari niin inthien ro, nangni le in salhai khawm.

NAMBAR 5:2

“Israel mihai chu riebûka inthawkin inphâr po po le thipût po po le mithi leia pawrche taphawt chu sie suok vawng dingin thu pe rawh

NAMBAR 6:6

Lalpa ta dinga ân suktum sûng po chun mithi ruong khawm a hnai ding a ni nawh.

NAMBAR 9:10

“Israel mihai kuomah, ‘Nangni laia mi khawm, in thlahai laia mi khawm, mithi ruong leia thieng naw amanih, lo thanghmang amanih an um hlau chun Lalpa ta dinga Fekân ruoiṭhe chu an nei ve hrim hrim ding a nih.

NAMBAR 9:6

Chun, tuhai amanih mithi ruong leia thieng naw an lo um a. Chu ni chun fekân ruoiṭhenaa chun an ṭhang ve thei naw a. Chuongchun, chu ni chun Mosie le Aron hmaa chun an fe a.

THILTHAWHAI 21:26

Chun, a zînga chun Paulain pasalhai chu a ṭhuoi a, anni lai ân thienfai ve a, Pathien biekina chun a lût a, an ta dinga sa that seng ding a pêk pêk hmakhat chu inthienfainain an nei hri ding a nih ti, thiempu kuoma chun an hril lâwk a.

THILTHAWHAI 21:27

Chun, ni sari chu a tling vângin Asia rama Judahai chun Paula chu Pathien biekinah an hmu a, mipui po po an infui a, ama chu an man a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:12

Chuongchun, mi pakhat leiin suol khawvêla hin a lût a, suol leiin thina a lût bawk a; chuong ang bawkin mi po poin thil an lo suksuol ta leiin thinain mi po po a fang suok ta a.

2 KORINTH 6:17

Chuleiin, “Anni laia inthawkin hung suok unla, A tumin um ro, thil inthiengnaw hrim khawm them naw ro, Lalpain a tih,” Chuongchun, “Lâwm ka ti cheu a,

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!