NAMBAR 18:8 - Pathien Lekhabu Inthieng (BSI)

⁸ Chun, Lalpa chun Aron kuomah, “Ngai ta, kei hin ka ta dinga a thêna thên thilinhlân, Israel nauhai thilinhlânhai po po pumin nang le i naupasalhai ta dingin, kumkhuoa in chanpuol dingin ka pêk cheu a.

NAMBAR 18:8 ပူးပေါင်းရင်းမြစ်များ

2 LALHAI 12:16

Bawsietna inthâwina thilinhlân tangka le, suol inthâwina thilinhlân tangkahai chu Lalpa ina chun a lâklût nawh; thiempuhai chanpuol a nih.

2 CHANCHIN SUINA 31:4

Chunawa khawm, Lalpa dâna an hrât theina dingin Levi mihai le thiempuhai chu an chan chu pe ve dingin Jerusalema umhai chu thu a pêk bawk a.

2 CHANCHIN SUINA 31:5

Thupêk chu phuongdar a ni phing le chun Israel mipuihai chun bu dâm, uoin dâm, khuoizu dâm le lo hmasuok po poa ra hmasatakhai chu tamtak el an hungpêk tâwl a; thil po poa sâwma pakhat khawm tamtak el an hung pêk tâwl a.

FESUOKNA 28:43

chuong chu Aron le a naupasalhai chun an bun ding a nih, intuokna puon ina an hung lût phain amanih, Hmun Inthienga rawng bâwl dinga maichâm an hung hnai phain amanih, suolna phura an thi nawna dingin. Ama le ama hnunga a thlahai chena khawm hi hi dân nîng a tih.

FESUOKNA 29:21

Maichâm chunga thisen chu innâlna hriek leh lâng i ta, Aron le a silfênhai le, a naupasalhai le an silfênhai chunga chun thêng i ta, ama chu inhlânthieng nîng a tih; a silfênhai le a naupasalhai le a naupasalhai silfênhai leh.

FESUOKNA 29:28

Aron le a naupasalhai chan dinga Israel thilinhlân an pêk zing ding an bat nîng a tih; chu chu an inremna thilinhlânhaia inthawka thiempu chan dinga Israel mihai inhlân ding chu nîng a tih; Lalpa kuoma an dawmkâng thil inhlân chu a nih.

FESUOKNA 29:29

“Aron silfên inthienghai chu ama hnunga a naupasalhai ta dingin nîng a tih, anniah inhlânthieng le hrieknâl an nina dingin.

FESUOKNA 40:13

Aron chunga chun silfên inthienghai chu bel i ta, ama chu hriek nâl i ta, inhlân i tih, thiempu sina ka rawng a bâwl theina dingin.

FESUOKNA 40:15

an pa i nâl ang bawk khan hriek nâl i tih, thiempu sina ka rawng an bâwl theina dingin. Hriek nâl an nina chu an ta dingin an thlahai chena thiempu an ni zingna ding nîng a tih,” tiin.

ISAI 10:27

Chu nia chun a rikphur chu i liengkoa inthawka lâk hmangin um a ta, a rîngkawl chu i rînga inthawka lâk hmangin um bawk a tih; hriek nâl lei chun rîngkawl chu suksietin um tâng a tih,” tiin.

LEVI DÂN 21:10

“A unauhai laia thiempu inlal tak, a lu hriek nâlmia nâl tah, silfên bel dinga suktuma um ta chun, a sam chu a thlâiin a put ding a ni naw a, a puonhai a keithlêr ding a ni naw a,

LEVI DÂN 23:20

Thiempu chun siem hmasak tak bei chu berâmte pahni le chun, Lalpa hmaa thêna thilinhlân dingin thên a ta; chuonghai chu Lalpa ta dinga inthieng thiempu chanpuol nîng a tih.

LEVI DÂN 6:16

Chun, lâk mahla chu Aron le a naupasalhai chun an fâk ding a nih; chu chu hmun inthienga chun chawl ṭhang lovin fâng an ta; intuokna puon in tuolah an fâk ding a nih.

LEVI DÂN 6:18

Aron thla pasal po pohai chun an fâk ding a nih. Chu chu Lalpa ta dinga pumrawhmang thilinhlân chungchânga in thlahai chena kumkhawtluong dân nîng a ta; chu chu tâwk taphawt chu inthieng pei an tih,” tiin.

LEVI DÂN 6:20

“Hriek nâla an um nia Aron le a naupasalhaiin Lalpa kuoma an inhlân ding thilinhlân chu hi hi a nih: fâkmi thilinhlân ding, beiphit inditak epha hmun sâwma ṭhea hmun khata mi, a zâtve zîngkâr, a zâtve zântieng.

LEVI DÂN 6:26

Suol inthâwina inhlântu thiempu chun fâng a ta; intuokna puon in tuolah, hmun inthiengah a fâk ding a nih.

LEVI DÂN 7:14

Chutaka mi chu thilinhlân tina mi Lalpa kuoma thêna thilinhlân dingin pakhat seng inhlân a ta; inremna thilinhlân thisena thetu thiempu chanpuol ding a nih.

LEVI DÂN 7:28

Lalpa chun Mosie a biek a,

LEVI DÂN 7:6

Thiempu sungkuoa pasal taphawt chun chu chu fâng an ta; hmun inthienga fâk ding a nih; chu chu thil inthieng tak a nih.

LEVI DÂN 8:30

Mosie chun hriek nâlmia inthawk le, maichâma thisena mi chu a lâk a, chu chun Aron le a silfênhai a the a, a naupasalhai le an silfênhai khawm; Aron le a silfênhai chu a hlân thieng a, a naupasalhai le an silfênhai khawm.

NAMBAR 18:9

Meia raw mahla thil inthienghai chu i ta nîng a ta; an thilinhlân tinrêng an beiphit thilinhlân dâm, an suol thâwina thilinhlân dâm, an thiemnaw thâwina thilinhlân ka kuoma an hung inhlân ding chenin nang le i naupasalhai puol nîng a tih.

NAMBAR 5:9

Chun, Israel mipuihai thil inthieng a thêna thên thilinhlân po po, thiempu kuoma inhlân taphawt chu thiempu chanpuol nîng a ta.

1 KORINTH 9:13

Thil ser buotsai vêltuhai chun Pathien biekina thil an fâk le maichâm rawngbâwltuhai chun, maichâm leh chanvo an nei ti in hriet naw am a nih?

DÂN PAHNINA 12:11

Lalpa in Pathienin a hming inumtirna ding a ruot ding hmuna hung lâk dinga ka ti po po chutaka chun in hung lâk ding a nih, in pumrawhmang thilinhlânhai, in sâwmapakhat dâm, in thên thilinhlânhai, Lalpa kuoma thutiema in tiem ṭha ṭhahai le chun.

DÂN PAHNINA 12:6

Chutaka chun in pumrawhmang thilinhlânhai, in inthâwinahai, in sâwmapakhat dâm, in thên thilinhlânhai dâm, in thutiem dâm, in nuomthua thilinhlânhai dâm, in ran ruol le in berâm ruol laia pieng hmasa takhai in hung lâk ding a nih.

DÂN PAHNINA 18:1

“Thiempu Levi mihai, Levi hnam po po chun Israel mihai lai chanvo le rochan an nei ding a ni naw a; Lalpa kuoma meia thilinhlân le a chana mi chu an fâk ding a nih.

DÂN PAHNINA 26:13

Chun, Lalpa in Pathien hmaah, ‘I thu mi pêk, i thupêk po po angin kan ina inthawkin thil inthienghai chu kan sie suok a, Levi mihai dâm, ram dang mihai dâm, pa nei nawhai dâm, hmeithaihai dâm kan pêk ta a; i thupêk chu a iengkhawm kan bawsiet naw a, kan theinghil bawk nawh.

HEBRAIHAI 1:9

Felna chu i ngaina a, Bawsietna chu i theida kha; Chuleiin, Pathien, i Pathien chun, I ruolhai nêk chun, Hlimna hriek a nâl nasa lem che hi,” ti le,

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.