NAMBAR 18:5 - Pathien Lekhabu Inthieng (BSI)

⁵ Nang chun hmun inthieng sin le maichâm sin chu chang i ta; Israel mihai chunga lunginsenna a um nawna dingin.

NAMBAR 18:5 ပူးပေါင်းရင်းမြစ်များ

1 CHANCHIN SUINA 23:24

Hienghai hi an pahnam anga Levi naupasalhai chu an nih, tiemna laia an pahnamhai luhai chu an na, Lalpa ina rawngbâwlnaa sinthawtuhai, tiem an ni dânbi anga hming suota nizât, kum sâwmhnia inthawka chungtieng an nih.

1 CHANCHIN SUINA 23:32

chun, Lalpa ina rawngbâwlna dinga, an unau Aron thlahai sin kawl le, hmun inthieng enkawlna sin le, intuokna in enkawlna sin chu an kawl ding a nih;

1 CHANCHIN SUINA 24:5

Chun, ṭhumvâwra ṭhe an na, chi dân dang dangin, Ithamar naupasalhai le Eleazar naupasalhai laia chun Pathien in hotuhai le hmun inthienga hotuhai chu an um ve ve si a.

1 CHANCHIN SUINA 9:19

Chun, Kore naupa Sallum, Ebiasaph naupa, Kora naupa, a unauhai leh, an pahnama mi, Kora mihai chu, rawngbâwlna enkawltuhai chu an na, biekbûk kawtkhâr vêngtuhai an nih: an thlatuhai khawm chu Lalpa rabawk vêngtuhai, a lûtna vêngtuhai chu an nih.

1 CHANCHIN SUINA 9:23

Chuongchun, anni le an thlahai chenin biekbûk in, Lalpa in enkawlna sin chu an chang a.

1 CHANCHIN SUINA 9:33

Chun, hienghai hi hlasaktuhai, Levi sûngkuo pahnama luhai, pindana um zinga sin danga châng ve lohai chu; an sina chun a sûn a zâna ruoi an ni si a.

FESUOKNA 27:21

Intuokna puon in Thuthlung bâwm hmaa puonzâr puoa chun Aron le a naupasalhaiin Lalpa hmaa chun zântienga inthawka zîngkâr chenin enkawl an ta; Israel mihai aiin an thlahai chenin kumkhuoin an bata ngai nîng a tih.

JEREMIA 23:15

Chuleiin, zâwlneihai chungthua chun sipaihai Lalpa chun hieng hin a tih; Ngai ta, anni chu sairamkhain châwm ka ta, mîtkhâ tui indâwntir ka tih; Jerusalem zâwlneihaia inthawk chun ram po poa chun sukpawrchena chu a fe suok si a.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa Pathien chun a tih;

EZEKIEL 44:16

ka hmun inthienga chun lût an ta, ka rawng mi bâwlpêk dingin ka dawkân hnaia chun hung an ta, ka sin chu kawl an tih.

LEVI DÂN 10:6

Mosie chun Aron kuoma le a naupasalhai Eleazar le Ithamar kuoma chun, “A sûnnain in sam inthla naw unla, in puonhai keithlêr bawk naw ro, chuong naw chun thi rawi in ta, mi po po chungah lunginsen rawi a tih; in unauhai Israel sûngkuo pumpuiin Lalpa isêm chawk mei chu sûn lem raw se.

LEVI DÂN 24:3

Intuokna puon ina thuinhriettirna puonzâr puotienga chun, zântienga inthawka zîngkâr chena dingin, Lalpa hmaah Aron chun sie fel raw se; hi hi in thlahai chena kumkhaw dân ding a nih.

ZEKARIA 10:3

Berampuhai chunga chun ka lunginsenna chu a chawk a, kêlchalhai chu ka hrem ngei ding a nih; sipaihai Lalpa chun a berâmruol Juda sûngkuohai chu a hung sir ta a, indonaa sakawr ṭhatak angin a siem ngei ding a nih.

NAMBAR 1:50

Levi mihai chu inhriettirna biekbûk enkawltua le a thuomhnaw po po le chutaka thil um po pohai enkawltu dingin i ruot lem ding a nih; biekbûk le a thuomhnaw po po chu zâwn hlak an ta, enkawl an ta, biekbûk chu a vêlah um ngha hlak an tih.

NAMBAR 1:53

Levi mihai ruok chun Israel mi pungkhâwmhai chunga lunginsenna a um nawna dingin inhriettirna biekbûk vêla chun an zar ding a nih. Levi mihai chun inhriettirna biekbûk chu an enkawl ding a nih,” tiin a lo hril ta si a.

NAMBAR 16:46

Mosie chun Aron kuomah, “I mei lâkna chawi la, maichâma inthawkin mei sie la, riminhnik phul la, mipuihai lai chun fepui vat la, an ta dingin inremna siem rawh. Lalpa kuoma inthawkin lunginsenna a hung suok a nih, hri ân lêng ṭan mêk a nih,” a ta.

NAMBAR 18:4

Anni chun inkawppui an ti che a, puon in rawngbâwlna po poah intuokna puon in sin chu chang an ta, hnam dang chun an hung hnai ding cheu a ni nawh.

NAMBAR 4:18

“Kohath mihai pahnam chu Levi mihaia inthawkin sukbohmang ni naw sien;

NAMBAR 8:19

Chuongchun, Israel mihai aia intuokna puon ina rawngbâwl ding le, Israel mihaiin hmun inthieng an hung hnai khawma Israel mihai laia hri ân lêng nawna dinga inremna siem dingin Israel mihai laia inthawkin Levi mihai hi Aron le a naupasalhai ka pêk a nih,” tiin.

NAMBAR 8:2

“Aron hril la, a kuomah, ‘Khâwnvarhai chu i sitin khâwnvar pasari chun sathâu khâwnvar siena hmatieng a ên ding a nih,’ ti rawh,” tiin.

1 TIMOTHE 1:18

Ka nau Timothe, inhmaa i chanchin an hril lâwk thuhai ang khan chu kâwkna thu chu kân kawltir che; chuong le chun, indona ṭha chu i do theina dingin;

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 5:21

Hieng thu hi thlier bîk nei lovin, thlier bîk neia iengkhawm thaw lovin, Pathien le Krista Isu le Vântirko thlanghai mithmuin zâwm dingin ṭhahnemngaitakin kân hriettir che.

1 TIMOTHE 6:20

Aw Timothe, i kuoma inkawltira um chu kawl ṭha rawh, Pathien inzâ naw tieng thu hril mei mei le, indik nawtaka, “Varna,” an iti insêlna hi nghat san rawh.