NAMBAR 18:3 - Pathien Lekhabu Inthieng (BSI)

³ I sina chun ṭhangpui an ti che a, puon in tieng sin po po chu chang an ta, amiruokchu, hmun inthieng bûrlebêl le maichâm chu hung hnai naw raw hai se, an thi nawna dingin, anni amanih, nang amani khawm.

NAMBAR 18:3 ပူးပေါင်းရင်းမြစ်များ

EZEKIEL 44:13

Keia ta dingin thiempu sin chu thaw dingin, keima hnaia chun an hung ding a ni naw a; ka thil inthieng a ieng khawm, le thil inthiengtakhai chu an hung hnai ding a ni nawh; amiruokchu, an lo thaw tah, an tirdakumnahai le an inzakna chu anni ngeiin phur an tih.

NAMBAR 1:51

Chun, biekbûk chu a suok ding po leh Levi mihai chun ṭhiek hlak an ta, chun, biekbûk chu keizar ding a ni po leh, Levi mihai chun keizar hlak an tih, hnam dang a hung inrawl ve taphawt chu sukhlum ding nîng a tih.

NAMBAR 1:53

Levi mihai ruok chun Israel mi pungkhâwmhai chunga lunginsenna a um nawna dingin inhriettirna biekbûk vêla chun an zar ding a nih. Levi mihai chun inhriettirna biekbûk chu an enkawl ding a nih,” tiin a lo hril ta si a.

NAMBAR 16:40

Mosie hmanga a kuoma Lalpain a lo hril ta ang chun, Aron thla ni lo hnam dang hrim hrim Lalpa hmaa riminhnik raw dinga an fe hnai nawna ding le, Kora le a pâwlhai anga an hung um nawna dingin.

NAMBAR 18:4

Anni chun inkawppui an ti che a, puon in rawngbâwlna po poah intuokna puon in sin chu chang an ta, hnam dang chun an hung hnai ding cheu a ni nawh.

NAMBAR 18:7

Nang le i naupasalhai hin maichâm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

NAMBAR 3:25

Gerson nauhaiin intuokna puon ina an enkawl ding chu biekbûk le puon in nîng a ta, a chung dâm, intuokna puon in kawtkhâr puon zâr dâm,

NAMBAR 3:31

An enkawl ding chu bâwm dâm, dâwkân dâm, sathâu khâwnvar siena dâm, maichâm dâm, chutaka rawngbâwlna hai nîng a tih.

NAMBAR 3:36

Merari naupasalhai enkawl dinga ruot chu biekbûk thingphêk remkhâwm dâm, a bangruhai dâm, a banhai dâm, ân nghatna kerkuokhai dâm, hmangruo po pohai le chutaka rawngbâwlnaa chu an nih;

NAMBAR 31:30

Chun, a chenve Israel mihai chanpuol chu sâwmnga peiah pakhat suktum la, mihriema inthawk dâm, bâwnga inthawk dâm, sabengtunga inthawk dâm, berâm ruola inthawk dâm, ran ruola inthawk dâmin; chuongchu Lalpa biekbûk enkawltu Levi mihai pe rawh,” a ta.

NAMBAR 4:15

Aron le a naupasalhai chun hmun inthieng le hmun inthieng bûrlebêlhai po po an inkhum zo a, umhmun sawn ding hun taphawta chun Kohath naupasalhai chu a zâwn dingin hung inthawk hlak an ta, nisienlakhawm, thil inthienghai chu an them ding a ni nawh, an them chun chu thîng an tih. Hieng hi intuokna puon ina Kohath naupasalhai chanpuol ding a nih.