NAMBAR 18:26 - Pathien Lekhabu Inthieng (BSI)

²⁶ “Chuong thua naw khawm chun Levi mihai chu hril la, an kuomah, ‘In rochan dinga Israel mihai sâwmapakhat ka pêk cheu, annia inthawka in dawng pha chun, chu sâwmapakhata sâwma pakhat chu Lalpa kuoma a thêna thên thilinhlân dingin in inhlân ding a nih.

NAMBAR 18:26 ပူးပေါင်းရင်းမြစ်များ

NEHEMIA 10:38

Chun, Levi mihaiin sâwmapakhat an lâk laiin Aron thla thiempu chu Levi mihai kuoma chun an um ding a nih; Levi mihai chun sâwma pakhat an ilâka sâwma pakhat chu kan Pathien inah ro siekhâwmna pindana chun an hung sie ding a nih.

NEHEMIA 10:39

Israel mipuihai le Levi naupasalhai chun bu le uoin le hriek a thêna thêna thilinhlân hmun inthieng bûr-le-bêl le rawngbâwltu thiempuhai, kawtkhâr vêngtuhai dâm, hlasaktuhai umna pindana chun an sie ding a nih; chuong ang chun a nih, kan Pathien in chu thlathlam lo dinga dân kan insiempêk chu.

NAMBAR 15:21

In thlahai chenin in bei hmet hmasa tak chu Lalpa kuoma thên thilinhlâna dingin in inhlân pei ding a nih.

NAMBAR 18:21

“Levi mihai chu rawngbâwl sin, puon in rawngbâwl sina an sinthaw manah Israel rama sâwmapakhat po po hi ka pêk a nih.

NAMBAR 18:25

Chun, Lalpain Mosie kuomah,

NAMBAR 18:27

Chuongchun, in thên thilinhlân chu hrizâwla bu le i uoin sâwrnaa uoin anga ngai nîng a tih.

HEBRAIHAI 7:5

Levi thlahai laia thiempu sin chang taphawt chun Dân thu angin mihai kuoma inthawkin sâwma pakhat lâkna thu an hmu ngei a nih, chu chu an unauhaia inthawkin a nih; chuonghai chu Abraham ṭhalbea insieng ni hai sien khawm;