NAMBAR 18:24 - Pathien Lekhabu Inthieng (BSI)

²⁴ Israel mihaiin sâwmapakhat Lalpa ta dinga a thêna thên thilinhlâna chu Levi mihai rochan dingin ka pêk a nih; chuleiin, an kuomah, ‘Israel mihai lai rochan nei naw ni hai,’ ka lo ti ta sa hrim a nih,” a ta.

NAMBAR 18:24 ပူးပေါင်းရင်းမြစ်များ

NEHEMIA 10:38

Chun, Levi mihaiin sâwmapakhat an lâk laiin Aron thla thiempu chu Levi mihai kuoma chun an um ding a nih; Levi mihai chun sâwma pakhat an ilâka sâwma pakhat chu kan Pathien inah ro siekhâwmna pindana chun an hung sie ding a nih.

NEHEMIA 13:12

Chuongchun, Juda mihai po po chun, bu sâwmapakhat dâm, uoin dâm, hriek dâm thawlâwm sie khâwmnaa chun an hung lâk khâwm tâwl a.

LEVI DÂN 27:30

“Ram sûnga mi, sâwmapakhat po po, thlai amanih, thei rahai khawm, Lalpa chanpuol a nih; Lalpa ta dinga thil inthieng a nih.

NAMBAR 18:25

Chun, Lalpain Mosie kuomah,

NAMBAR 18:26

“Chuong thua naw khawm chun Levi mihai chu hril la, an kuomah, ‘In rochan dinga Israel mihai sâwmapakhat ka pêk cheu, annia inthawka in dawng pha chun, chu sâwmapakhata sâwma pakhat chu Lalpa kuoma a thêna thên thilinhlân dingin in inhlân ding a nih.

NAMBAR 26:62

Tiem po po pasal thla khat chin chungtieng chu sîng hni le sâng thum an nih. Israel mihai laia ram sem chang ve ding an ni naw leiin Israel mihai laia tiem an ni nawh.

DÂN PAHNINA 10:9

Chuleiin, Levi chun a unauhai lai chun chanvo khawm, rochan khawm a nei naw a; Lalpa in Pathienin a kuoma a hril angin Lalpa chu a rochan a nih).

DÂN PAHNINA 26:12

“Kum thum kuma sâwmapakhat pêk kuma in thil rasuok po po sâwmapakhat in pêk zo chun, Levi mihai dâm, ram dang mihai dâm, pa neinawhai, hmeithaihaiin in umnaa chun an fâk a, an lo khawsak thei vena dingin in pêk ding a nih.

JOSUA 13:14

Levi hnamhai chau a nih rochan ding a pêk naw chu; an kuoma a lo hril ta ang khan, Lalpa, Israelhai Pathien kuoma meia thilinhlânhai kha an rochan a ni lem si a.