NAMBAR 18:20 - Pathien Lekhabu Inthieng (BSI)

²⁰ Lalpa chun Aron kuomah, “An rama chun rochan nei naw ti niu a, anni lai chun chanvo nei naw bawk in tih: Israel mihai laia i chanvo le i rochan chu keima hi ka nih.

NAMBAR 18:20 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INPÂKNA HLABU 142:5

Aw Lalpa, ka ko che a “Nang chu kân humhimna, Mi hring rama ka chanvo i nih,” ka ti a.

INPÂKNA HLABU 16:5

Lalpa chu ka rochan ding le ka no chan ding chu a na, Nangin ka chanpuol i mi sukdetpêk hlak.

INPÂKNA HLABU 73:26

Ka taksa le ka lungril hi a chau ta a, Nisienlakhawm, Pathien chu kumkhuoa ka lungril hrâtna ding le ka chanvo a nih.

ṬAP HLA 3:24

Ka thla chun,“ Lalpa chu ka chanvo a na, chuleiin, amaa chun beisei ka tih,” a ta.

EZEKIEL 44:28

Chun, rochan nei nâwng an ta; kei hi an rochan chu ka nih; Israela chun ro pe naw ti ni a, kei hi an thilnei chu ka nih.

NAMBAR 18:7

Nang le i naupasalhai hin maichâm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

NAMBAR 26:62

Tiem po po pasal thla khat chin chungtieng chu sîng hni le sâng thum an nih. Israel mihai laia ram sem chang ve ding an ni naw leiin Israel mihai laia tiem an ni nawh.

DÂN PAHNINA 10:9

Chuleiin, Levi chun a unauhai lai chun chanvo khawm, rochan khawm a nei naw a; Lalpa in Pathienin a kuoma a hril angin Lalpa chu a rochan a nih).

DÂN PAHNINA 12:12

Lalpa in Pathien hmaa chun hlimtakin um in ta, nangni le in naupasalhai le, in naunuhmeihai leh, in suokpahai leh, in suoknuhai leh in khuohaia um Levi mihai leh, anni chun nangni lai chanvo le ram an nei ve si naw a.

DÂN PAHNINA 14:27

Levi mihai in umnaa um vehai chu ngaitha hlek naw ro, nangni lai chanvo khawm, rochan khawm an nei ve si naw a.

DÂN PAHNINA 14:29

chun, in umnaa um Levi mihai khawm chu nangni laia chanvo, rochan khawm nei ve nawhai le ram dang mihai le pa nei nawhai le hmeithaihai chun fâng an ta, lo khawsa ve thei el an tih; chuongchun, Lalpa in Pathienin in kutsuok po poa chun mal a sâwm ding cheu a nih.

JOSUA 13:14

Levi hnamhai chau a nih rochan ding a pêk naw chu; an kuoma a lo hril ta ang khan, Lalpa, Israelhai Pathien kuoma meia thilinhlânhai kha an rochan a ni lem si a.

JOSUA 13:33

Levi chihai ruok chu Mosie chun rochan ding a pêk ve nawh; an kuoma a lo hril ta ang khan, Lalpa Israelhai Pathien chu an rochan a ni lem.

JOSUA 14:3

Mosie chun hnam hni le hnam zâtvehai kha Jordan râla khan an rochan ding a lo pêk ta si a; Levi chihai ruok chu anni lai an rochan ding a pêk ve nawh.

JOSUA 18:7

Levi mihai hin chu chu nangni lai chanvo an nei ve naw a, Lalpa thiempu sin hi an chanpuol a ni si a; chun, Gad mihai, Reuben mihai le Manasse hnam zâtvehai khan chu Jordan râl saktienga khan an chanpuol chu Lalpa siehlaw Mosiein a lo pêk kha an lo chang ta a,” a ta.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;