NAMBAR 18:13 - Pathien Lekhabu Inthieng (BSI)

¹³ An loa ra hmin hmasa tak Lalpa ta dinga an hung lâk chu i ta nîng a ta, i ina mi inthieng po po chun fa thei an ta,

NAMBAR 18:13 ပူးပေါင်းရင်းမြစ်များ

2 LALHAI 4:42

Chun, Baal-salisaa inthawkin mi pakhat a hung a, Pathien mi chu ra hmasa bei, buṭei bei sâwmhni le bu thar vui a ipin a hung chawipêk a. Elisa chun, “An fâk dingin mipuihai kha pe rawh,” a ti a.

2 CHANCHIN SUINA 31:5

Thupêk chu phuongdar a ni phing le chun Israel mipuihai chun bu dâm, uoin dâm, khuoizu dâm le lo hmasuok po poa ra hmasatakhai chu tamtak el an hungpêk tâwl a; thil po poa sâwma pakhat khawm tamtak el an hung pêk tâwl a.

FESUOKNA 22:29

“I sinthaw ra po poa dâwnmihai le fâkmihaia ra hmasa tak chu în hlân inhnu ding a ni nawh. I naupasalhaia naulutîr chu i mi pêk ding a nih.

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

FESUOKNA 34:26

I hnuoi ra thar hmasatak chu Lalpa i Pathien inah i hung lâk ding a nih. Kêlte chu a nu nênetuiah i suong ding a ni nawh,” tiin.

JEREMIA 24:2

Leikhâwr pakhata chun theichang ṭhatak tak el, theichang hmin hmasa ang kha a um a; leikhâwr danga chun theichang setak tak el, fâk thei lo khawpa sie chu a um a.

EZEKIEL 44:30

Chun, thil tinrêng rahmasahai hmasatak le, thil tinrêng thêna inhlânhai chu, in thilinhlânhai po po chu thiempuhai chan nîng a ta, chun, thiempu kuoma chun in beihmet hmasatak chu in in sûnga malsâwmna a um theina dingin in pêk bawk ding a nih.

HOSEA 9:10

Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

LEVI DÂN 22:7

Nisa a tlâk hnung ruok chun inthieng tâng a ta, chu hnung chun thil inthienghai laia mi khawm chu fa thei tâng a tih; a fâk ding a ni leiin.

LEVI DÂN 23:17

In umna hmunhaia inthawkin epha hmun sâwma ṭhea hmun hnia siem, bei tlang thên ding pahni, beiphit indi mi, chawl ṭhanga ur, Lalpa ta dinga siem hmasak tak, inhlân ding in hung chawi ding a nih.

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni si a; ra bâwr fâk ding a um nawh; ka hringna hin theichang hmin hmasa a châk a nih;

DÂN PAHNINA 18:4

In bu le bâlhai, in uoinhai le in hriek sâwrhai a hmasa takhai le in berâm hmul vâw hmasa tak dâm chu in pêk ding a nih.

DÂN PAHNINA 26:2

Lalpa in Pathienin a pêk cheu in ram leilung ra hmasatak senghai chu hung lâng in ta; bâwmah sieng in ta, Lalpa in Pathienin a hming inumtirna dinga a la ruot dinga chun in fe ding a nih.