NAMBAR 18:12 - Pathien Lekhabu Inthieng (BSI)

¹² Hriek ṭha tak dâm, grêp ṭha tak dâm, bu ṭha tak dâm, ra hmasa tak Lalpa ta dinga an pêk chu ka pêk che.

NAMBAR 18:12 ပူးပေါင်းရင်းမြစ်များ

INṬANNA 27:28

Chuongchun, Pathienin vân daidaw, Le hnuoi ṭhatna hmun, Le bu le uoin tamtak pe raw se che.

2 LALHAI 4:42

Chun, Baal-salisaa inthawkin mi pakhat a hung a, Pathien mi chu ra hmasa bei, buṭei bei sâwmhni le bu thar vui a ipin a hung chawipêk a. Elisa chun, “An fâk dingin mipuihai kha pe rawh,” a ti a.

2 CHANCHIN SUINA 31:5

Thupêk chu phuongdar a ni phing le chun Israel mipuihai chun bu dâm, uoin dâm, khuoizu dâm le lo hmasuok po poa ra hmasatakhai chu tamtak el an hungpêk tâwl a; thil po poa sâwma pakhat khawm tamtak el an hung pêk tâwl a.

INPÂKNA HLABU 147:14

I ramri sûnga chun inremna a siem a, Bu ṭhatak chiin a suksip hlak che a nih.

INPÂKNA HLABU 81:16

Nangni chu bu ṭhatakin châwm ka ti cheu a, Lungpuia khuoizuin ka sukkhawp ding cheu a nih.

FESUOKNA 22:29

“I sinthaw ra po poa dâwnmihai le fâkmihaia ra hmasa tak chu în hlân inhnu ding a ni nawh. I naupasalhaia naulutîr chu i mi pêk ding a nih.

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

FESUOKNA 34:26

I hnuoi ra thar hmasatak chu Lalpa i Pathien inah i hung lâk ding a nih. Kêlte chu a nu nênetuiah i suong ding a ni nawh,” tiin.

EZEKIEL 44:30

Chun, thil tinrêng rahmasahai hmasatak le, thil tinrêng thêna inhlânhai chu, in thilinhlânhai po po chu thiempuhai chan nîng a ta, chun, thiempu kuoma chun in beihmet hmasatak chu in in sûnga malsâwmna a um theina dingin in pêk bawk ding a nih.

LEVI DÂN 2:12

Rahmasa thilinhlân ding chu Lalpa kuoma chun inhlân in ta; nisienlakhawm, thil rim inhnik thilinhlân angin maichâm chunga chun in sie ding a ni nawh.

LEVI DÂN 2:14

“Rahmasatak fâkmi thilinhlân Lalpa kuoma în hlân chun, i bu thar hmasataka mi, a vui tharlâma mi ngei sukphitin, meia em hminin fâkmi thilinhlân dingin în hlân ding a nih.

LEVI DÂN 23:17

In umna hmunhaia inthawkin epha hmun sâwma ṭhea hmun hnia siem, bei tlang thên ding pahni, beiphit indi mi, chawl ṭhanga ur, Lalpa ta dinga siem hmasak tak, inhlân ding in hung chawi ding a nih.

LEVI DÂN 23:20

Thiempu chun siem hmasak tak bei chu berâmte pahni le chun, Lalpa hmaa thêna thilinhlân dingin thên a ta; chuonghai chu Lalpa ta dinga inthieng thiempu chanpuol nîng a tih.

DÂN PAHNINA 18:3

Inthâwina inhlântu mipuihaia inthawka thiempu chanpuol ding chu hieng hi nîng a tih: bâwngchal khawm, berâm khawm a dâr le bekbawr khing hni le a phîngpui chu thiempu an pêk ding a nih.

DÂN PAHNINA 18:4

In bu le bâlhai, in uoinhai le in hriek sâwrhai a hmasa takhai le in berâm hmul vâw hmasa tak dâm chu in pêk ding a nih.

DÂN PAHNINA 26:2

Lalpa in Pathienin a pêk cheu in ram leilung ra hmasatak senghai chu hung lâng in ta; bâwmah sieng in ta, Lalpa in Pathienin a hming inumtirna dinga a la ruot dinga chun in fe ding a nih.

DÂN PAHNINA 32:14

Bâwng nênetui inkhal, berâm nênetui, Berâmte thâuhai leh, Basan ram berâmchal le kêlhai, Bu inhniktak chihai leh; Grêp tui uoin i dâwn a.