NAMBAR 18:11 - Pathien Lekhabu Inthieng (BSI)

¹¹ Hieng hi i chanpuol nîng a tih: beiphit thilinhlâna an thilpêk, Israel mihai a thêna thên thilinhlân chenin, nang le i naupasalhai le i naunuhmeihai leh kumkhuoa in chanpuolah ka pêk cheu a nih, i ina mi inthieng po po chun fa thei an tih.

NAMBAR 18:11 ပူးပေါင်းရင်းမြစ်များ

LEVI DÂN 10:14

A ir thêna thên le a mal dawmkânga inhlân ruok chu hmun faiah in fâk ding a nih; nang le i naupasalhai le i naunuhmeihai leh; Israel mipuihai inremna thilinhlân inthâwinaa i chanpuol le i naupasalhai chanpuola ruot a ni si a.

LEVI DÂN 7:14

Chutaka mi chu thilinhlân tina mi Lalpa kuoma thêna thilinhlân dingin pakhat seng inhlân a ta; inremna thilinhlân thisena thetu thiempu chanpuol ding a nih.

NAMBAR 18:1

Lalpa chun Aron kuomah, “Nang le i nâupasalhai le in sûngkuo hin hmun inthieng khawhlona maw chu phur in ta; chun, nang le i naupasalhai hin in thiempu nina khawhlona maw chu phur bawk in tih.

NAMBAR 18:10

Hmun inthieng takah fâng in ta, pasal po poin fâng in tih; in ta dingin inthieng nîng a tih.

NAMBAR 18:19

Thil inthienga thên thilinhlân, Israel mihaiin Lalpa ta dinga an inhlânhai chu in kumkhaw chanpuol dingin ka pêk cheu a nih. Lalpa hmaah nang le i naupasalhai le i naunuhmeihai le chatuon machi thuthlung a nih,” a ta.

NAMBAR 18:8

Chun, Lalpa chun Aron kuomah, “Ngai ta, kei hin ka ta dinga a thêna thên thilinhlân, Israel nauhai thilinhlânhai po po pumin nang le i naupasalhai ta dingin, kumkhuoa in chanpuol dingin ka pêk cheu a.

DÂN PAHNINA 18:3

Inthâwina inhlântu mipuihaia inthawka thiempu chanpuol ding chu hieng hi nîng a tih: bâwngchal khawm, berâm khawm a dâr le bekbawr khing hni le a phîngpui chu thiempu an pêk ding a nih.