NAMBAR 17:7 - Pathien Lekhabu Inthieng (BSI)

⁷ Mosie chun thu inhriettirna puon ina chun Lalpa hmaah hmawlhai chu a sie a.

NAMBAR 17:7 ပူးပေါင်းရင်းမြစ်များ

FESUOKNA 38:21

Thiempu Aron naupa Ithamar kuta, Levi mihai rawngbâwlnaa hmang dinga Mosie thupêk ang peia an tiem angin, biekbûk, thuthlung biekbûka thil hmanghai belkhâwm chu hi hi a nih:

NAMBAR 1:50

Levi mihai chu inhriettirna biekbûk enkawltua le a thuomhnaw po po le chutaka thil um po pohai enkawltu dingin i ruot lem ding a nih; biekbûk le a thuomhnaw po po chu zâwn hlak an ta, enkawl an ta, biekbûk chu a vêlah um ngha hlak an tih.

NAMBAR 1:53

Levi mihai ruok chun Israel mi pungkhâwmhai chunga lunginsenna a um nawna dingin inhriettirna biekbûk vêla chun an zar ding a nih. Levi mihai chun inhriettirna biekbûk chu an enkawl ding a nih,” tiin a lo hril ta si a.

NAMBAR 14:10

Nisienlakhawm, a pungkhâwmhai po po chun lunga dêng an rawt a. Chuongchun, Lalpa ropuina chu intuokna puon inah Israel mi po po hmaa chun a hung inlang a.

NAMBAR 17:4

Chun, ei inbiekna, intuokna puon in, thu inhriettirna hmaa chun i sie ding a nih.

NAMBAR 17:6

Chuongchun, Mosie chun Israel mihai chu a biek a, an ṭhuoituhai po po chun an sûngkuo tin puolah ṭhuoitu tinin hmawl pakhat pei, hmawl sâwm pahni an pêk a; Aron hmawl khawm chu an hmawlhai lai chun a ṭhang ve a.

NAMBAR 18:2

Chun, Levi chi, i pa chi, i unauhaiin an zawm ve che a, i rawng an bâwl theina dingin i kâwl hnaiah inumtir la, amiruokchu, nang le i naupasalhai chu thuinhriettirna puon in bulah in um ding a nih.

NAMBAR 9:15

Chuongchun, biekbûk indin ni chun biekbûk, inhriettirna puon in chu sûmin a tuom mup a, chun, zântieng chun biekbûk chunga chun meichawk ang el hi a zîng zîngkâr chenin a um a.

THILTHAWHAI 7:44

“A lim a hmu anga siem dinga Mosie hriltuin a ruot ang khan, ei thlatuhaiin thlalêra khan inhriettirna puon in chu an nei a.