NAMBAR 15:31 - Pathien Lekhabu Inthieng (BSI)

³¹ Lalpa thu chu a hmusit a, a thupêk chu a bawsiet leiin ama chu sât thlâk ṭhuoi ding a nih, a rîtlona maw chu ama ngeiin phur a tih,’ ti rawh,” tiin.

NAMBAR 15:31 ပူးပေါင်းရင်းမြစ်များ

2 SAMUEL 12:9

Iengtiziea Lalpa thu chu ngainêpa, a mithmua thil ṭha naw i thaw el am a ni leh? Hit mi Uria chu kâwlhnâmin i sukhlum a, a nuhmei chu i nuhmei dingin i neipêk a, Ammon mihai kâwlhnâmin i that a.

INPÂKNA HLABU 107:11

Pathien thuhai chungah an hel a, Achunghnungtak remruot chu an ngainêp leiin.

INPÂKNA HLABU 119:126

Lalpa, sinthaw a hun tah, I dân hi ieng ni lovin an siem ta si a.

INPÂKNA HLABU 38:4

Ka rîtlonahai chun ka lu hi a chîm hmang a, Phur riktak ang ka zo ruol lo hi a nih.

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka tuithlâr nîng a tih,’ tiin,” a ta.

THUVARHAI 13:13

Tukhawm thu hmusittu chun ama chungah sietna ân tlun hlak a, Thupêk ṭitu ruok chu lâwmman pêkin um a tih.

ISAI 30:12

Chu lei chun, Israelhai Mi Inthieng chun hieng ang hin a hril a, “Hi hi thu hi in hmusit lei le nêksâwrna le kâwmawsietna in ring a, a chunga in innghat leiin;

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

EZEKIEL 18:20

Mi a suksuoltu chu, chu chu thîng a ta; naupa chun pa suolna chu phur naw ni a, pa khawma naupa suolna chu phur bawk naw ni; mi fel felna chu mi fel chunga chun um a ta, mi rilo rîtlona chu mi rilo chunga bawk chun um a tih.

LEVI DÂN 26:15

ka thuruothai in dit naw a, in hringnain ka rorêlhai chu a theida a, ka thupêkhai po po zâwm lova ka thuthlung in bawsiet chun,

LEVI DÂN 26:43

Ram khawm chu inkiengsan an ta, anni um lova a rêm sûng chun a châwlnihai chu hlimtakin hmang a tih; ka rorêlnahai an dit naw lei le, ka thuruothai an hringna chun a theida hlak leia an rîtlona chun insiem ṭhâng an tih.

LEVI DÂN 5:1

“Tukhawm a thil hmua manih, a thil hrieta manih hretu a ni a, inkhâmtirtu râwl a hriet khawma hril nuom lotu chun, a hril nuom nawna suola a rîtlona maw chu phur a tih.

NAMBAR 9:13

Amiruokchu, thieng si, thanghmangna khawm nei chuong lova Fekân ruoiṭhea ṭhang lo chu a chipuihai laia inthawk sât thlâk nîng a ta; a hunbia Lalpa kuoma thilinhlân chu ân hlân naw leiin ama chun a suol maw chu phur a tih.

DÂN PAHNINA 17:12

Lalpa in Pathien hmaa rawngbâwla ṭhang hlak thiempu le rorêltu thu pawm lova, thawlui taphawt, chu mi chu sukhlum ding a nih, Israelhai laia inthawkin, chu thil ṭha naw chu in sukbo ding a nih.

1 THESSALONIKA 4:8

Chuleiin, a pawisa nawtu chu mihriem pawisa naw a ni naw a, Pathien, a Thlarau Inthieng pe hlaktu cheu kha pawisa naw a ni lem.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

2 PETER 2:21

Lampui fel chu hriet hnunga, thupêk inthieng an kuoma inkawltira um chu nghatsan nêk chun, lampui fel hre naw hai sienla, an ta dingin a ṭha lem ding bah.

1 SAMUEL 3:14

Chuleiin, Eli sûngkuo kuoma chun Eli sûnghai bawsietna chu inthâwinain amanih, thilinhlânin amanih iengtika khawm sukkieng thei ni naw nih, tiin ṭawng kân khâm tah a nih,” a ta.