NAMBAR 15:30 - Pathien Lekhabu Inthieng (BSI)

³⁰ Amiruokchu, ân dittâwk leia thaw a ni ruok chun, chu rama pieng amanih, hnam dang amanih khawm ni sienla, Lalpa hrilsie a nih; ama chu a chipuihai laia inthawk tuithlâr ding a nih.

NAMBAR 15:30 ပူးပေါင်းရင်းမြစ်များ

INṬANNA 17:14

Chun, pasal ser tan lo, a ser hmawr vun taksaa sertanna um naw chu, chu ngei chu a chipui laia sukbohmang nîng a ta: ama chun ka thuthlung chu a bawsiet a nih,” a ti nâwk a.

JOB LEKHABU (THE BOOK OF JOB) 38:15

Mi riloa inthawkin an var chu cheltângin a um a, Kut insâng khawm chu sukthliekin a um bawk a.

INPÂKNA HLABU 19:13

Thil suksuol ngainaw dingin i siehlaw hi mi chel la, Ka chungah anni chu thu inneitir naw la; chuongchun, ṭha famkimin um ka tih. Bawsietna nasataka inthawkin demkailovin um ka tih.

INPÂKNA HLABU 69:9

I ina ka ṭhahnemngainain a mi fâk zo a, Nangma hrilsetuhai hrilsietnahai chu ka chungah a tla zo tah.

INPÂKNA HLABU 74:18

Aw Lalpa, hi hi hre zing rawh, dotu chun a hrilsiet che a. Hnam invêttak chun i hming an hrilsiet kha.

INPÂKNA HLABU 74:22

Aw Pathien, tho la, nangma thu chu nangin inhril fâwm la, Mi invêt chun sûnnithlâkin a hrilsietzie che chu hre zing rawh.

INPÂKNA HLABU 79:12

Aw Lalpa, nangma an hrilsietna che kha, Kan vêla mihai kuomah an ângsûngah a lêt sariin thung nâwk rawh;

INPÂKNA HLABU 89:51

Aw Lalpa, nangma dotuhai hrilsietna, I hrieknâl kehnunghai an hrilsietna chu.

FESUOKNA 21:14

Miin a vênghai tum hrimnaa hlêma sukhlum tuma a thaw ruok chun, ama chu sukhlum dingin ka maichâma inthawkin ṭhuoi hmang i tih.

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka tuithlâr nîng a tih,’ tiin,” a ta.

THUVARHAI 14:31

Mi pasie nêksâwrtu chun ama Siemtu a hmusit a nih, Tlasam chunga lunginsietna nei ruok chun ama ân za a nih.

EZEKIEL 20:27

“Chuleiin, mihriem naupa, Israel sûngkuo kuoma chun thu hril la, an kuomah Lalpa Pathien chun hieng ang hin a tih ti rawh: In thlatuhai chun hitaka hin an mi lo demsiet ta a, ka chunga an lo bâwsietnaa hin.

LEVI DÂN 20:10

“Mîn a tuolbâwm nuhmei a uiretpui chun, uiretupa le uirenu chu sukhlum ngei ding an nih.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipuihai laia inthawk chu sukbohmang ka tih.

NAMBAR 15:29

Hre lova suksuoltu ta dingin Israel mi chu rama pienghai ta dingin le hnam dang mi anni laia umhai ta ding khawma dân angkhat in nei ding a nih.

NAMBAR 9:13

Amiruokchu, thieng si, thanghmangna khawm nei chuong lova Fekân ruoiṭhea ṭhang lo chu a chipuihai laia inthawk sât thlâk nîng a ta; a hunbia Lalpa kuoma thilinhlân chu ân hlân naw leiin ama chun a suol maw chu phur a tih.

MATTHAI 12:32

Chun, tukhawm Mihriem Naupa sawisêl taphawt chu a sawisêlna chu ngaidam nîng a ta; tukhawm Thlarau Inthieng meu sawisêl taphawt chu a sawisêlna chu, hi dam sûnga khawm, hun la hung tlung dinga khawm chun, ngaidam ni naw nih.

DÂN PAHNINA 1:43

Chu chu ka hril cheu a, in pawm naw a, Lalpa thupêk chu in helsan ta lem a, tlânga chun in hang fe hrâm ta a.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi Lalpa ithaw a ni tawp nawh,’ hmêlma lunginsen chun tîng an tih ti ṭi naw lang chu.

HEBRAIHAI 10:26

Thutak hrietna famkim chu ei chang hnunga thil ei suksuol ṭâl chun, suolhai dingin inthâwina um ta dêr naw ni a,

HEBRAIHAI 10:29

Pathien Naupa sirde a, thuthlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

2 PETER 2:10

châkna inthieng naw kawnga tisa anga um le, rorêlpêkna hmusittuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.

1 SAMUEL 3:14

Chuleiin, Eli sûngkuo kuoma chun Eli sûnghai bawsietna chu inthâwinain amanih, thilinhlânin amanih iengtika khawm sukkieng thei ni naw nih, tiin ṭawng kân khâm tah a nih,” a ta.