NAMBAR 15:20 - Pathien Lekhabu Inthieng (BSI)

²⁰ In bei hmet hmasa tak laia hlawm khat chu thên thilinhlânah in inhlân ding a nih, hrizâwla mi thên thilinhlâna in thên angin in thên ding a nih.

NAMBAR 15:20 ပူးပေါင်းရင်းမြစ်များ

NEHEMIA 10:37

kan Pathien in pindana thiempuhai kuoma kan bei hmet hmasa tak dâm, a thêna thêna kan thilinhlânhai dâm, thing chi tinrêng rahai dâm, uoin le hriek chawi ding dâm; kan loa mi sâwmapakhat Levi mihai pêk ding dâmin dân kan ta dingin kan siem bawk a, anni Levi mihai chun kan khuo laia lohma nei khuo taphawtah sâwmapakhat an lâk hlâk a nih.

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

FESUOKNA 34:26

I hnuoi ra thar hmasatak chu Lalpa i Pathien inah i hung lâk ding a nih. Kêlte chu a nu nênetuiah i suong ding a ni nawh,” tiin.

EZEKIEL 44:30

Chun, thil tinrêng rahmasahai hmasatak le, thil tinrêng thêna inhlânhai chu, in thilinhlânhai po po chu thiempuhai chan nîng a ta, chun, thiempu kuoma chun in beihmet hmasatak chu in in sûnga malsâwmna a um theina dingin in pêk bawk ding a nih.

LEVI DÂN 2:12

Rahmasa thilinhlân ding chu Lalpa kuoma chun inhlân in ta; nisienlakhawm, thil rim inhnik thilinhlân angin maichâm chunga chun in sie ding a ni nawh.

LEVI DÂN 2:14

“Rahmasatak fâkmi thilinhlân Lalpa kuoma în hlân chun, i bu thar hmasataka mi, a vui tharlâma mi ngei sukphitin, meia em hminin fâkmi thilinhlân dingin în hlân ding a nih.

LEVI DÂN 23:10

“Israel mipuihai chu hril la an kuomah, ‘Ram ka pêk cheu chu in va tlung a, chutaka chun bu dâm in sîk pha chun, in ra hmasaa mi buphal pakhat chu thiempu kuomah in hung chawi ding a nih.

LEVI DÂN 23:20

Thiempu chun siem hmasak tak bei chu berâmte pahni le chun, Lalpa hmaa thêna thilinhlân dingin thên a ta; chuonghai chu Lalpa ta dinga inthieng thiempu chanpuol nîng a tih.

NAMBAR 15:21

In thlahai chenin in bei hmet hmasa tak chu Lalpa kuoma thên thilinhlâna dingin in inhlân pei ding a nih.

NAMBAR 18:12

Hriek ṭha tak dâm, grêp ṭha tak dâm, bu ṭha tak dâm, ra hmasa tak Lalpa ta dinga an pêk chu ka pêk che.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16

Chun, bei tlang ât thlâk hmasatak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.

1 KORINTH 15:20

Nisienlakhawm, Krista chu mithi laia inthawkin keithoin a um tak zet a nih, a inhai tho hmaṭhuoitu a lo ni tah.

DÂN PAHNINA 14:22

“Kum tin in loa thlai suok po po sâwmapakhat in sie hran ngei ngei ding a nih.

DÂN PAHNINA 14:23

Lalpa in Pathien ṭi nachâng in hung hriet rawp theina dingin in bu le, in uoin le in hrieka sawmapakhat le, in bâwng ruol le in berâm ruol laia pieng hmasa takhai chu Lalpa in Pathien hmaah, a hming umna dinga a la ruotna dinga chun in fâk ding a nih.

DÂN PAHNINA 16:13

“In hrizâwla mi le in uoin sâwrna khura mi in sîk khâwm zo pha ni sari sûng chu bâwkte ruoiṭhe in nei ding a nih.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.