NAMBAR 15:15 - Pathien Lekhabu Inthieng (BSI)

¹⁵ In thlahai chena mipuihai le hnam dang in kuoma umhai ta ding khawma dân angkhat chau a um ding a nih; Lalpa hmaah hnam danghai chu nangni ang chie nîng an tih.

NAMBAR 15:15 ပူးပေါင်းရင်းမြစ်များ

ESTHER 9:27

Judahai chun, anni le an thlahai le anni hung sûngkhattuhai po po chunga chun belin, an namdet ta a; kum tinin chutaka a ni ruot ang tak le, chutaka ziek ang taka chu ni hnihai chu insera bâwpel ngai hlek lo dingin;

FESUOKNA 12:14

Hi ni hi in ta dingin hrietzingna nîng a ta, Lalpa kuomah ruoiṭhena nei hlak in tih: in thlahai chenin, kumkhuoin dân angin hi ruoiṭhena hi nei zing in tih.

FESUOKNA 12:24

Hi thil hi dâna neiin nangni le in thlahai chenin kumkhuoin inser in tih.

FESUOKNA 12:43

Lalpa chun Mosie le Aron kuomah, “Fekân Ruoi dân ding chu hi hi a nih: ram dang mi chun a fâk ve ding a ni nawh:

FESUOKNA 12:49

A ram mi hrim le hnam dang mi nangni laia khuolchâm ta ding khawmin dân pakhat chau a um,” a ti a.

FESUOKNA 28:43

chuong chu Aron le a naupasalhai chun an bun ding a nih, intuokna puon ina an hung lût phain amanih, Hmun Inthienga rawng bâwl dinga maichâm an hung hnai phain amanih, suolna phura an thi nawna dingin. Ama le ama hnunga a thlahai chena khawm hi hi dân nîng a tih.

LEVI DÂN 24:22

Ram dang mihai le a ram mihai ta dingin dân hmunkhat in nei ding a nih; kei hi Lalpa in Pathien chu ka ni si a,’ ti rawh,” tiin.

NAMBAR 10:8

Aron naupasal thiempuhai chun tawtawrâwt chu an mût ding a nih. Chu chu in ta dingin in thlahai chenah in kumkhaw dân ding a nih.

NAMBAR 15:14

Chun, hnam dang mi in kuoma khawsa hlak amanih, tukhawm in kuoma khawsa zing dinghai chun Lalpa ta ding riminhnik meia thilinhlân inhlân nuomtuhai chun in thaw ang tak chun an thaw ve ding a nih.

NAMBAR 15:29

Hre lova suksuoltu ta dingin Israel mi chu rama pienghai ta dingin le hnam dang mi anni laia umhai ta ding khawma dân angkhat in nei ding a nih.

NAMBAR 18:8

Chun, Lalpa chun Aron kuomah, “Ngai ta, kei hin ka ta dinga a thêna thên thilinhlân, Israel nauhai thilinhlânhai po po pumin nang le i naupasalhai ta dingin, kumkhuoa in chanpuol dingin ka pêk cheu a.

NAMBAR 9:14

Chun, hnam dang mi in kuoma umin, Lalpa ta ding Fekân ruoiṭhea ṭhang ve a nuom chun Fekân ruoiṭhea thaw dinga ruot le a dân angin an thaw ding a nih; hi rama mi hrim hrim le hnam dang mihai ta dingin dân angkhat in nei ding a nih,’ tiin hril rawh,” a ta.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

JOSUA 8:33

Chun, Israelhai po po, an upahai le hotuhai, an rorêltuhai leh, Levi chi thiempuhai, Lalpa thuthlungna bâwm zâwntuhai hmaah, bâwm khingtieng khingtieng panga chun hnam danghai le, chu rama pienghai khawm chu an ngîr hmunkhat seng a. A zâtve chu Gerizim tlâng pangah an um a, a zâtve chu Ebal tlâng pangah an um a, Lalpa siehlaw Mosiein Israelhai chu mal a sâwmpêk ding a nih tia thu a lo pêk tah ang khan.

1 SAMUEL 30:25

Chuongchun, chu nia inthawk tu chen hin Israelhai ta dinga thupêk le dâna nei dingin a siem ta a.