NAMBAR 15:14 - Pathien Lekhabu Inthieng (BSI)

¹⁴ Chun, hnam dang mi in kuoma khawsa hlak amanih, tukhawm in kuoma khawsa zing dinghai chun Lalpa ta ding riminhnik meia thilinhlân inhlân nuomtuhai chun in thaw ang tak chun an thaw ve ding a nih.

NAMBAR 15:14 ပူးပေါင်းရင်းမြစ်များ

1 LALHAI 8:42

(i hming ropuitak hai, i kut hrâttak hai, i bân i phar thuhai hi an la hriet tâwl ding a ni si a;) chuong mihai chun hi in tieng ngha a, an hung ṭawngṭai pha chun;

LEVI DÂN 22:18

“Aron le a naupasalhai le Israel mipui po po be la, an kuomah, ‘Israel sûngkuo laia mi amanih, Israelhai laia um ram dang mi amanih, tukhawma thilinhlân thutiemna khawm, nuomthua thilinhlân khawm, Lalpa kuoma pumrawhmang thilinhlâna a hung inhlân pha,

LEVI DÂN 22:25

Ram dang mihai kuoma inthawka lain chuong ang laia mi hrim hrim chu in Pathien fâk ding thilinhlânah in inhlân ding a ni nawh, chuonga chun sietna le demkaina a um lei chun, pawmpêk thei cheu ni naw ni,’ ti rawh,” tiin.

NAMBAR 15:13

Chu rama pieng po po chun hieng ang pei hin Lalpa ta ding riminhnik meia thilinhlân an inhlân pha an thaw ding a nih.

NAMBAR 15:15

In thlahai chena mipuihai le hnam dang in kuoma umhai ta ding khawma dân angkhat chau a um ding a nih; Lalpa hmaah hnam danghai chu nangni ang chie nîng an tih.