NAMBAR 14:9 - Pathien Lekhabu Inthieng (BSI)

⁹ Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

NAMBAR 14:9 ပူးပေါင်းရင်းမြစ်များ

INṬANNA 48:21

Chun, Israel bawk chun Josef kuomah, “Ngai ta, ka thi ding a ni ta a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

2 CHANCHIN SUINA 13:12

Chun, en ta u, Pathien chu kan hma tieng keini lai a um a; in chunga inlâuna sukri dingin suklauna tawtawrâwthai le thiempuhai chu an um bawk a; Aw Israel mihai, in thlatuhai Pathien Lalpa chu do naw ro khai; in hlawtling naw ding a ni si a,” tiin.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 20:17

Hi indonaa hin in do ngai kher naw nih, intlar phawt unla, ngîr ṭawk ṭawk ro; Lalpa sandamna chu en zing el ro; aw Juda mihai le Jerusalem mihai, ṭi naw unla, beidawng bawk naw ro; zingah anni chu hang thaw unla, Lalpa chu in kuomah a um si a,’ ” tiin.

2 CHANCHIN SUINA 32:8

ama kuoma chun tisaa sipai pâwl an na, amiruokchu, eini kuoma chu Lalpa ei Pathien chu mi ṭhangpui ding le ei indona chu do dingin a um a nih,” tiin. Chun, mipui chu Juda lal Hezekia thuhrila chun an sâwldam hle a.

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, Lalpa ropuitak le, ṭiumtak el chu hre zingin in unauhai, in naupasalhai, in naunuhmeihai, in nuhmeihai, in inhai hum dingin thaw ro khai,” ka ti a.

INPÂKNA HLABU 106:24

Anih, ram ditumtak chu an ngainêp a, A thu chu an ring nuom naw a.

INPÂKNA HLABU 121:5

Lalpa chu nangma vêngtu a nih, Lalpa chu i changtienga hlietu che a nih.

INPÂKNA HLABU 14:4

Thil suksuoltuhai hrim hrim chun hrietna hrim an nei naw am a nih? Bei an fâk angin ka mihai an fâk zo vawng hlak a, Lalpa hlak an ko ngai bawk nawh.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:8

Hung unla, Lalpa thilthawhai hi en ta u, Leihnuoia thil a suksietziehai hi.

INPÂKNA HLABU 74:14

Nang chun Leviathan luhai chu i suknâwi a, Ama chu thlalêra umhai kuoma chun bu dingin i pêk a,

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭhea kan umna chu keini le i fe ve zingnaa chun a ni naw ding am a nih?” a ti a.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

JEREMIA 1:19

Chuongchun, do an ti che a; amiruokchu, hne naw ni hai che; nangma sanhim ding chein i kuomah ka um si a, Lalpa chun a tih,” tiin.

JEREMIA 42:11

In iṭitak Babulon lal chu ṭi naw unla, ama chu ṭi naw ro, Lalpa chun a tih: a kuta inthawka sanhima sandam ding cheuin kei in kuomah ka um zing si a.

JEREMIA 48:45

Chuong a tlân hmanghai chu hrâtna nei lovin, Hesbon hlima chun an ngîr a, mei chu Hesbona inthawk chun a fe suok a, meichawk chu Sihona inthawkin a fe suok a, Moab ram sîr le, chawkbuoituhai lua lallukhum chu a kâng hmang ta a.

DANIEL 9:5

kan lo suol ta a, indiklotakin kan lo thaw ta a; khawhlotakin kan lo thaw ta a, kan lo hel ta a; i rorêlnahai le thupêkhaia inthawka lo inher hmangin;

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta si a;

NAMBAR 13:30

Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.

NAMBAR 17:6

Chuongchun, Mosie chun Israel mihai chu a biek a, an ṭhuoituhai po po chun an sûngkuo tin puolah ṭhuoitu tinin hmawl pakhat pei, hmawl sâwm pahni an pêk a; Aron hmawl khawm chu an hmawlhai lai chun a ṭhang ve a.

NAMBAR 20:2

Pungkhâwmhai chun tui an nei ta naw a; Mosie le Aron chungchâng thuah an inhâwrkhâwm ngiel a.

NAMBAR 24:8

Aiguptaa inthawkin Pathien chun a ṭhuoi suok a, Ram siel tha ang el an put a, An hmêlma hnam danghai chu fa zo an ta, An ruhai chu suknâwi vawng an ta, An thalin kâp thleng an tih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 1:21

Ngai ta u, Lalpa in Pathien chun ram chu a pêk diem ta cheu a nih; hang fe unla, Lalpa in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka ti a.

DÂN PAHNINA 1:26

Nisienlakhawm, in hang fe nuom naw a, Lalpa in Pathien thupêk chu in helsan a;

DÂN PAHNINA 1:29

Kei chun in kuomah, ‘Zâmse naw unla, anni chu ṭi bawk naw ro.

DÂN PAHNINA 31:6

Hrâttak le huoitakin um unla, ṭi naw ro, anni chu ṭi bawk naw ro; in kuoma fe ve chu Lalpa in Pathien a ni si a; inhlâwsamtir naw ni cheu, mâk khawm mâksan naw tawp a ti cheu,” tiin.

DÂN PAHNINA 31:8

I hmaṭhuoitu chu Lalpa nîng a ta, i kuomah um pei a tih, inhlâwsamtir naw ni che a, mâk khawm mâksan naw tawp a ti che; ṭi naw la, zâm bawk naw rawh,” a ti a.

DÂN PAHNINA 32:42

Ka thalhai chu thisenin sukrui ka ta, Ka kâwlhnâm chun thisen lem a tih; Thathai le salhai thisen le Hmêlma hotuhai lu chenin,” tiin.

DÂN PAHNINA 7:18

Lalpa in Pathienin Pharao le Aigupta mi po po chunga thil a thawhai kha hre zing ro,

DÂN PAHNINA 7:21

Anni chu in ṭi ding a ni nawh; Lalpa in Pathien nangni lai a um chu, Pathien ropuitak le ṭiumtak a ni si a.

DÂN PAHNINA 9:7

“Thlalêra Lalpa lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin Lalpa chunga helhmang in nih.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 14:12

Chuongchun, hi tlâng Lalpain kha nia a lo hril ta kha mi pe el ta la, khânga Anakim mihai an um a, an khawpuihai khawm a ropuiin kula inhuon khup a nih ti kha nia khan i hriet kha, Lalpa chun mi umpuiin, anni chu ka hnawt suok thei rawi mawh, Lalpain a lo hril ta ang khan,” a ta.

RORELTUHAI 1:22

Josef sûngkuohai khawm chu Bethel thaw dingin an hang suok ve a, an kuomah Lalpa chu a um a.