NAMBAR 14:7 - Pathien Lekhabu Inthieng (BSI)

⁷ Israel mipui pungkhâwm po pohai kuoma chun, “Enthla dingin kan va fang suok ram chu ram ṭhatak a nih.

NAMBAR 14:7 ပူးပေါင်းရင်းမြစ်များ

NAMBAR 13:27

Mosie kuomah, “I mi tirna rama chun kan fe a, nênêtui le khuoizu luongna a lo ni ngei el; hi hi a rama thei a nih.

NAMBAR 13:30

Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.

NAMBAR 14:6

Chun, Nun naupa Josua le Jephunne naupa Kaleb, ram enthlatuhai laia ṭhang vehai chun an puonhai an keithlêr a;

DÂN PAHNINA 1:25

Chu rama thei dâm chu an lo a, an mi hung phurpêk a, chanchin an mi hung intlun a, ‘Lalpa ei Pathienin ram a mi pêk chu ṭhatak a nih,’ an ti a.

RORELTUHAI 18:9

Anni chun, “Tho ro khai, hang thâwng ei tih, ram chu kan hang hmu ta ngei el le, a ṭha hle el a, in châng naw ding am a nih? Chu rama hang lûta hang hluo ding chun muong naw ro khai.