NAMBAR 14:34 - Pathien Lekhabu Inthieng (BSI)

³⁴ Ram in va enthlâk ni zât; ni sâwmli chu, ni khat aiah kum khat pei, kum sâwmli sûng zet in bawsietna chu tuor phâng in ta, chuongchun, ka lungni nawzie hi hre tâng in tih.

NAMBAR 14:34 ပူးပေါင်းရင်းမြစ်များ

1 LALHAI 8:56

“A thutiem po po ang peia a mi Israelhai châwlna petu Lalpa chu inpâkin um raw se, a siehlaw Mosie hmanga a thutiem ṭhahai po po kha pakhat khawm ân khêl naw a.

2 CHANCHIN SUINA 36:21

chu ram chun a châwlni a hmang hmakhat chu Jeremia baua Lalpa thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

INPÂKNA HLABU 105:42

A thu inthieng kha a hriet zing si a: A siehlaw Abraham le khan.

INPÂKNA HLABU 38:4

Ka rîtlonahai chun ka lu hi a chîm hmang a, Phur riktak ang ka zo ruol lo hi a nih.

INPÂKNA HLABU 77:8

A ngilneina chu a bo sawng kumkhuo ding am a ni aw? A thutiem chu suon po po chenin a bo ding am a ni aw?

INPÂKNA HLABU 95:10

Kum sâwm li sûng zet chu, chu suonhai chunga chun ka lungninaw a, “An lungrila ngaisuol hmang mi an na, Ka lampuihai khawm an hriet nawh,” ka ti a.

EZEKIEL 14:10

Chun, an suol maw chu phur an ta; zâwlnei suolna chu mi ama kuomah zawngtu suolna ang ngei chu nîng a tih;

EZEKIEL 23:35

“Chuleiin, Lalpa Pathien chun hieng hin a tih: Kei i mi lo theinghil ta a, i hnungah i mi pei ta a, chuleiin, i hurna le i nawchizawrnahai chu nangin phur rawh,” tiin.

EZEKIEL 4:5

An suol kum zât chu i ta ding chun i ni dingin, ni za thum le sâwmkuo ni dingin ka ruot ta si a, chuongchun, Israel sûngkaw suolna chu i phur ding a nih.

EZEKIEL 4:6

Chun, hi hi i thaw vawng pha chun, i changtieng pang delin zâl nâwk i ta; Juda sûngkaw suolna chu phur thung tâng i tih; ni sâwmli sûng, ni tin chu kum khata dingin, i ta dingin hieng ang hin ka ruot ta si a.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

LEVI DÂN 20:19

I nu zuorpuinu amanih, i pa farnu amanih saruokna chu i hlîm ding a ni nawh. Mâni laibunghai saruoka siemna a na; an rîtlona chu phur an tih.

ZEKARIA 11:10

Chun, ka hmawl Ditsak chu ka lâk a, ka sât bawng ta a, hnamhai po po le ka thuthlung ka siem chu ka sût theina dingin.

NAMBAR 13:25

An ram va enthlâk chu ni sâwmli an thang a, an hung kîr nâwk ta a.

NAMBAR 18:23

Levi mihai ruok hin chu intuokna puon in rawngbâwl sin chu thâwng an ta, anni dân nîng a tih; chun, Israel mihai laiah rochan nei naw ni hai.

NAMBAR 32:13

Chun, Israelhai chunga chun Lalpa lung chu a chawk a, Lalpa mithmua thil ṭha naw thawtu suon po po chu an bohmang vawng hmakhat chun thlalêrah kum sâwmli ân vâkvaitir a.

THILTHAWHAI 13:18

Kum sâwmli lai thlalêra khan an thilthawhai chu a en thei zing a.

DÂN PAHNINA 2:7

Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

JOSUA 14:10

Ngai ta, Lalpain Mosie kuoma chuong thuhai chu a hrila inthawk Israelhai thlalêra an invâk an invâk sûng po po, kum sâwmli panga zet chu a lo hril ta angin Lalpa chun a mîn damtir ta a; chuongchun, ngai ta, tuhin kum sâwmriet panga ka lo ni ta a.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.