NAMBAR 14:3 - Pathien Lekhabu Inthieng (BSI)

³ Ieng dinga kâwlhnâma thi el dinga Pathienin hi rama hi mi ṭhuoi am a ni aw? Ei nuhmei ei nau le tehai hlak chu man el ding an ni âwm si a. Aigupta rama kîr nâwk el hi eini ta dingin a ṭha lem a ni naw am a nih?” an ta.

NAMBAR 14:3 ပူးပေါင်းရင်းမြစ်များ

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

INPÂKNA HLABU 78:40

Thlalêra khan a chungah an va hel inzingin, Ram ṭâwla khan ama chu an va suklungngai inzing de!

FESUOKNA 16:3

Israel mihai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan Lalpa kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an ti a.

FESUOKNA 5:21

an kuomah, “Lalpain en cheuin in chungthu chu rêl raw se, keini mi thatna dinga an kuta kâwlhnâm chawi dingin, Pharao le a siehlawhai mithmuah theidaumah in mi siem ta lei hin,” an ti a.

JEREMIA 42:14

‘Ni lo, Aigupta ramah fe lem ei ta, chutaka chun indona hlak hmu nâwng ei ta, tawtawrâwt ri hlak hre nâwng ei ta, bei tlâksam hlak hre bawk nâwng ei ta, chutaka chun chêng ei tiu,’ ti in ni chun;

JEREMIA 42:19

Aw Juda la um sunhai, nangni chungthuah Lalpa chun thu a hril a nih: Aiguptaa chu fe dêr naw ro: vawisûn hin in kuomah ka hrilfie ta a nih ti hi hre ngei ngei ro.

JEREMIA 9:3

Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

NAMBAR 11:20

thla khat pumhlûm, nghawk khawp rak le in hnâr kuoa suok rak khawpin fâng in tih; nangni laia um Lalpa chu dit lova, Ieng dinga Aigupta rama kha suok am ei ni aw, tia a hmaa in ṭap leiin,’ ti rawh,” a ta.

NAMBAR 16:13

Thlalêra mi sukhlum dingin nênetui le khuoizu luongna rama inthawkin i mi ṭhuoi suok hi thil chîn am a ni hrim luo a? Kan chungah lalin în sie nâwk nghâl a.

NAMBAR 20:3

Chun, mipui chun, “Lalpa hmaa ei unauhai an thi lai khan Pathienin mi lo sukhlum ve lem ta sien aw!

NAMBAR 21:5

Mipuihai thi el dingin iengdinga Aiguptaa inthawka i mi ṭhuoi suok am a na? Bei um lo, tui hlak um bawk lo; hi bei tirdakum khawm hi kan hringna hin a hnâm tah a nih, an ta.

THILTHAWHAI 7:39

Ei thlatuhai chun a thu an zâwm nuom naw a, an sêl a, an lungrilhai chu Aigupta ram tieng a lêt nâwk ta a.

DÂN PAHNINA 1:39

In nau le tehai, râllâkin la el an ta, in tihai hi, tuta a sie a ṭha la hre lo in nauhai hi lût an tih, anni chu pêng ka ta, hluong an tih.