NAMBAR 14:2 - Pathien Lekhabu Inthieng (BSI)

² Israel mi po po chu Mosie le Aron chunga chun an chier a; a pungkhâwmhai po po chun an kuomah, “Aigupta rama khan lo thi law law kha ni ta lem inla aw! Annawleh, thlalêrah hin lo thi ta lem el inla aw!

NAMBAR 14:2 ပူးပေါင်းရင်းမြစ်များ

1 LALHAI 19:4

Ama ruok chu thlalêrah ni khat lama hlaah a fe a, Juniper thing hnuoia hin a ṭhung a, thi a hni ta a, “A hun tah ie, aw Lalpa, tuhin ka hringna hi la el ta, ka puhai nêkin ka ṭha chuong bîk si naw a,” a ta.

JOB LEKHABU (THE BOOK OF JOB) 3:11

Sula chun iengdinga ka lo thi naw am a na? Phîng sûnga inthawka ka hung suokin iengdinga thlarau chu lo inthla el naw am ka na?

INPÂKNA HLABU 106:24

Anih, ram ditumtak chu an ngainêp a, A thu chu an ring nuom naw a.

INPÂKNA HLABU 106:25

An puon inahai chun an chier ta lem a, Lalpa râwl chu an ngai nuom naw a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

FESUOKNA 14:11

Mosie kuomah, “Aiguptaah thlânhai a um naw leiin a ni maw thlalêra thi dinga i mi ṭhuoi suok hi? Aiguptaa inthawk mi ṭhuoi suok a i thilthaw dân hi iengtizie am a na?

FESUOKNA 15:24

Mipui chu, “Ieng am dâwn tâng ei ta?” tiin Mosie chungah an chier ta a.

FESUOKNA 17:3

Mipui hlak chu tui duin an dang a châr hle a, Mosie chunga chun an chier a, “Aiguptaa inthawk keini le kan nauhai le kan ran ruol leh dangchâra mi sukhlum dingin iengdinga i mi ṭhuoi suok am a na?” an ti a.

JONA 4:3

Chuleichun, Aw Lalpa, tuhin ka hringna hi mi lâkpêk el dingin ka ngên che; keia ta ding chun dam nêkin thi a ṭha lem si a,” a ta.

JONA 4:8

Chun, nisa a hung suok chun Pathienin khawsak thli lum a ruot a; nisa chun Jona lu chu a em a, a thidang a, a ta ding chun thi a hni ta a; “Keia ta dingin dam nêkin thi a ṭha lem,” a ti ta a.

NAMBAR 11:1

Mipuihai chun Lalpa na hrieta chun mi chier hmang angin thil ṭha naw takhai an hril hlak a; chu chu Lalpa chun a lo hriet chun a lung a chawk ta a; chuongchun, Lalpa mei chu anni lai chun a hung chawk a, an riebûk hmawr tieng chu a kâng ta dur dur el a.

NAMBAR 11:15

Hieng anga i mi thaw ding chun mi lunginsiet la, mi sukhlum dai law law el la, mi sukrimsi ta naw khai,” a ta.

NAMBAR 11:5

Nuom nuoma Aigupta rama nga dâm ei fâk hlak kha ei hriet zing a, fanghmahai, vaifanghmahai, purûn sel fâk mihai, purûn bâlhai le purûn vâr hai dâm,

NAMBAR 14:1

Chuongchun, a pungkhâwmhai po po chu râwl insuo meuin an ṭap a; chu zân chun mipuihai chu an ṭap an ṭap el a.

NAMBAR 14:22

Aigupta ram le thlalêra ka ropuina le ka thilmak thawhai hmua, chuongsa khawma vawi sâwm zet mi la fie a, ka thu la pawm lo mi po pohai hin,

NAMBAR 16:13

Thlalêra mi sukhlum dingin nênetui le khuoizu luongna rama inthawkin i mi ṭhuoi suok hi thil chîn am a ni hrim luo a? Kan chungah lalin în sie nâwk nghâl a.

NAMBAR 16:41

Nisienlakhawm, a zînga chun, “Lalpa mihai in sukhlum a nih,” tiin Israel mi pungkhâwm po po chu Mosie le Aron chunga chun an chier a.

NAMBAR 17:6

Chuongchun, Mosie chun Israel mihai chu a biek a, an ṭhuoituhai po po chun an sûngkuo tin puolah ṭhuoitu tinin hmawl pakhat pei, hmawl sâwm pahni an pêk a; Aron hmawl khawm chu an hmawlhai lai chun a ṭhang ve a.

NAMBAR 20:2

Pungkhâwmhai chun tui an nei ta naw a; Mosie le Aron chungchâng thuah an inhâwrkhâwm ngiel a.

NAMBAR 20:3

Chun, mipui chun, “Lalpa hmaa ei unauhai an thi lai khan Pathienin mi lo sukhlum ve lem ta sien aw!

NAMBAR 20:4

Iengdinga Lalpa mipui hi thi dinga thlalêra hin ṭhuoi lût am i ni a, keini le kan ranhai le hin?

NAMBAR 21:5

Mipuihai thi el dingin iengdinga Aiguptaa inthawka i mi ṭhuoi suok am a na? Bei um lo, tui hlak um bawk lo; hi bei tirdakum khawm hi kan hringna hin a hnâm tah a nih, an ta.

1 KORINTH 10:10

Anni laia ṭhenkhat an chier a, sukbohmangtu sukbohmanga an um ang khan chier naw bawk ei tiu.

DÂN PAHNINA 1:27

in puon inhaia chun in chier a, ‘Lalpa chun a mi theida leiin mi sukbohmang dinga Amor mihai kuta pêk dingin Aigupta rama inthawkin a mi ṭhuoi suok a nih.

DÂN PAHNINA 9:23

Chun, Lalpain, ‘Ram ka pêk cheu chu hang hluo ro’, tia Kadesbarneaa inthawka a tir lai cheu khan Lalpa in Pathien thupêk chu in helsan a, ama chu in ring naw a, a râwl khawm in ngai bawk naw a.

HEBRAIHAI 3:16

Anleh, tuhai am an na hre zing sia suknuor kha? Aigupta rama inthawka Mosie ṭhuoia suok po pohai kha an ni naw am a nih?

JUDA 1:16

Chuonghai chu chiertu le sawisêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.