Nisienlakhawm, ama chu lainatnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.
Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a ti a.
“Tuhin nanga mithmuah lunginsietna ka hmu ta chun, Aw Lalpa, ka ngên che, Lalpa chu keini lai fe ve raw se; mi kâwmaw ni de hai sien khawm, kan khawhlona le suolna chu mi ngaidam la, i rochan dingin nangin mi la rawh,” a ti a.
mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.
Aw Lalpa, lo hre ta, aw Lalpa, ngaidam rawh, aw Lalpa, lo hre la,hung thaw ta, muong naw la; nangma zâra ngei chun, aw ka Pathien, i khawpui le i mihai chu nangma hming chawia hming sak an ni leiin,” tiin.
Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn si a?” ka ti a.
Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah an chunga sietna intlun a tum chu, Pathien chun ân lêt a; a thaw ta naw a.
Lalpa kuoma chun a ṭawngṭai a, “Aw Lalpa, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.
Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.
Aw Lalpa, i ṭawng ka hriet a,ka ṭi ta a; Aw Lalpa, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.
Jakob a chun rîtlona hrim a hmu naw a, Israel mihai lai chun kâwmâwna a hmu bawk nawh. Lalpa an Pathien chu an kuomah a um a, Anni lai chun Lal chawimawina ri chu a um a.