NAMBAR 14:14 - Pathien Lekhabu Inthieng (BSI)

¹⁴ hi rama mihai hi hril an ta; hieng mipuihai lai hin i um ti an hriet ta a; hmaisan meuin an hmu ta si che a; i sûm chu an chungah a um hlak a; chun, sûnah sûmngîr, zânah meiin an hma i ṭhuoi hlak si a.

NAMBAR 14:14 ပူးပေါင်းရင်းမြစ်များ

INṬANNA 32:30

Chun, Jakobin chu hmun hminga chun Peniel ân bûk a, “Pathien chu a hmaihma ngeiah ka hmua chu ka hringna hi hla a ni si a,” tiin.

NEHEMIA 9:12

Sûna chun sûm ngîrin i ṭhuoi hlak a, zâna khawm an fena ding lampuia anni ên dingin meichawk ngîrin i ṭhuoi hlak.

NEHEMIA 9:19

i lunginsietna nasatak chun thlalêra khan i thlathlam chuong naw a: lampuia anni ṭhuoi dinga an chunga sûm ngîr chun sûnah anni a mâksan chuong naw a, anni ên ding le an fena lampui khîkhmu dinga meichawk ngîr khawm chun zânah a fesan bawk nawh.

INPÂKNA HLABU 105:39

Ama chun hlietu dingin sûm ân zâmtir a, Zâna êntu dingin mei a pêk bawk a.

INPÂKNA HLABU 78:14

Sûna chun sûmin a ṭhuoi a, Zânkhawvârin meichawkin a ṭhuoi bawk hlak a.

FESUOKNA 15:14

Mipuihai chun an hriet a, an inthin a; Philistin mihai chu lungngainain an sip a.

FESUOKNA 33:11

Lalpa chun Mosie chu inhmatuoin, miin a ruol a biek angtakin a biek hlak a. Chun, Mosie chu riebûk tieng a kîr nâwk a, a rawngbâwltu Joshua, Nun naupa, tlangvâl ruok chun puon in chu a mâksan nawh.

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭhea kan umna chu keini le i fe ve zingnaa chun a ni naw ding am a nih?” a ti a.

FESUOKNA 40:38

An inzin sûng po chun, Israel sûnghai po po mithmuah, Lalpa sûm chu biekbûk chungah sûnah a um a, zâna chun sûma chun meichawk a um hlak a.

NAMBAR 10:34

An bûka inthawka an suok chun Lalpa sûm an hmaa chu sûna chun an chungah a um pei a.

NAMBAR 12:8

ama le chun chu thurûk um lovin bauin tlangtakin inbieng kan ta; Lalpa hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo ti a.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

1 KORINTH 13:12

Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim lovin ei hriet a, chu pha ruok chun hriet kim ka ni ang bawk hin hre kim tâng ka tih.

DÂN PAHNINA 1:19

“Chun, Lalpain thu a mi pêk angin Horeb tlânga inthawk chun ei suok a, Amor mihai tlâng ram lampuia thlalêr lientak le râpthlâktak in hmu kha ei fe thleng vawng a, Kades-barneaa chun ei hung tlung a.

DÂN PAHNINA 34:10

Chutaka inthawk chu Israelhai lai chun Mosie anga Lalpain hmaisan meua a biek zâwlnei hrim hrim an hung um ta naw a,

DÂN PAHNINA 5:24

‘Ngai ta, Lalpa ei Pathien chun kan kuomah a ropuizie le a lienzie ân langtir a, meia inthawka a râwl chu kan hriet a; Pathienin mi a biek khawma thina a ni chuong nawzie chu vawisûn hin kan lo hriet ta a.

DÂN PAHNINA 5:4

Lalpa chun tlângah meia inthawkin inhmatuoin a biek cheu a,

JOSUA 5:1

Chun, Jordan vadung thlang tienga um Amorhai lalhai po po le, Mediterranean tuipui panga um Kanaan ram lal po pohai chun, an kai hmakhat chun Lalpain Jordan tuihai chu Israelai hmaa chun a sukkangpêk ti an lo hriet a, Israel mihai lei chun an lungril chu ân tui zo ta a, annia chun lungril mumal hrim hrim a um ta naw a.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.