NAMBAR 14:13 - Pathien Lekhabu Inthieng (BSI)

¹³ Mosie ruok chun Lalpa kuomah, “Aigupta mihaiin hre pal rawi an tih; hieng mipuihai hi ṭawng inkhâma a tiem rama chun i thilthawtheinaa i ṭhuoi suok an ni si a;

NAMBAR 14:13 ပူးပေါင်းရင်းမြစ်များ

INPÂKNA HLABU 106:23

Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

EZEKIEL 20:14

Chun, ka hming leiin, hnamhai anni mithmua anni ka hung ṭhuoisuoknahai, chuonghai mithmua chun hrilsiet a ni ding a ni nawh tiin ka thaw a.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnamhai mithmua, hrilsiet ka ni nawna dingin, ka thaw a.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi Lalpa ithaw a ni tawp nawh,’ hmêlma lunginsen chun tîng an tih ti ṭi naw lang chu.

1 SAMUEL 12:22

A hming ropuitak lei hin Lalpa chun a mihai chu a nghatsan âwm si naw a, a mihai ni dinga siem cheu chu Lalpa lâwm zâwngtak a ni si a.