NAMBAR 13:29 - Pathien Lekhabu Inthieng (BSI)

²⁹ Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu Mediterranean tuipui pang le Jordan vadung pangah an um,” tiin an hril a.

NAMBAR 13:29 ပူးပေါင်းရင်းမြစ်များ

INṬANNA 14:7

Chun, an kîr nâwk a, En-mispat an tlung a (chu chu Kades a ni tah). Amalekhai rama mi po le, Hazazontamara um, Amorhai khawm chu an that nâwk a.

NEHEMIA 9:8

chun, a lungril chu i hmaa chun ringumin i hriet a; Kanaan mihai, Hit mihai, Amor mihai, Periz mihai, Jebus mihai, Girgas mihai ram chu ama kuoma pe dingin, a thlahai chena pe dingin thu i thlung a; chun, i thu chu i hlen bawk a, feltak i ni si a.

INPÂKNA HLABU 83:7

Gebalhai le Ammonhai le Amalekhai dâm, Philistinhai, Tura khuoa umhai leh.

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

NAMBAR 13:17

Chuongchun, Mosie chun Kanaan ram enthla dingin anni rawi chu a tir a, an kuomah, “Simtieng fe phawt unla, tlângram tieng chun fe pei unla.

NAMBAR 13:30

Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.

NAMBAR 14:25

Tuhin, Amalek mihai le Kanaan mihai chu ruoma chun an um a, zinga khin kir nâwk unla, Tuipui Sen lampui tieng thlalêrah lût ro,” a ta.

NAMBAR 14:43

In hmaa khin Amalek mihai le Kanaan mihai an um a na, kâwlhnâma sâthlum ni el in tih. Lalpa chu in nghatsan tâk leiin nangni lai Lalpa chu um naw ni,” a ta.

NAMBAR 14:45

Chuongchun, chu tlânga um Amalek mihai le Kanaan mihai chu an hung thla a, an thaw a, Horma chenin an hnawt a, an vuokthlûk rum el a.

NAMBAR 24:20

Chun, Amalek tieng chu a ngha a, thu a hril a, “Amalek chu hnam bultak a ni nâk a chu, A tâwpna chu bohmangna a nih,” a ta.

DÂN PAHNINA 20:17

Hit mihai, Amor mihai, Kanaan mihai, Periz mihai, Hiv mihai, Jebus mihai dâm chu Lalpa in Pathienin thu a pêk cheu angin in sukbohmang vawng ding a nih;

DÂN PAHNINA 7:1

“Lalpa in Pathienin in va hluo ding rama a ṭhuoi lût cheu a, in hmaa hnam tamtak, Hit mihai, Girgas mihai, Amor mihai, Kanaan mihai, Periz mihai, Hiv mihai, Jebus mihai dâm, nangni nêka ropui le thilthawthei hnam sarihai a hnawt suok pha,

JOSUA 10:5

Chuongchun, Amor mihai lalhai panga, Jerusalem lal, Hebron lal, Jarmuth lal, Lakis lal, le Eglon lal chu an pung khâwm a, an sipaihai po po leh an hang fe a, Gibeon epa chun an um a, an indopui ta a.

JOSUA 10:6

Chun, Gibeon mihai chun an riebûk Gilgalah, Josua kuomah mi an tir a, “I siehlawhai hi ngaitha naw raw khai; inhmawtakin kan kuomah hung vat la, mi hung sandam la, mi hung ṭhangpui rawh: tlâng rama chênghai Amor lalhai keini mi thaw dingin an inhâwrkhâwm a nih,” tiin.

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai,Hiv mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.

JOSUA 5:1

Chun, Jordan vadung thlang tienga um Amorhai lalhai po po le, Mediterranean tuipui panga um Kanaan ram lal po pohai chun, an kai hmakhat chun Lalpain Jordan tuihai chu Israelai hmaa chun a sukkangpêk ti an lo hriet a, Israel mihai lei chun an lungril chu ân tui zo ta a, annia chun lungril mumal hrim hrim a um ta naw a.

JOSUA 9:1

Chun, Jordan vadung râla lalhai po po tlânga mi le phaia mi dâm, Mediterranean tuipui kam tluona chêng Lebanon tlâng chena um Hit mihai, Amor mihai, Kanaan mihai, Periz mihai, Hiv mihai, Jebus mihai chun an lo hriet chun,

RORELTUHAI 3:5

Chuongchun, Israel thlahai chu Kanaan mihai, Hit mihai, Amor mihai, Periz mihai, Hiv mihai, Jebus mihai lai chun an um a;

RORELTUHAI 6:3

Chun, Israelhaiin thil an hang chîng hin Midianhai, Amalekhai le khawsak nauhai chu an hang fe a, an hang do a,

1 SAMUEL 14:48

Huoitakin a thaw a, Amalek mihai chu a hne a, Israel mihai chu anni rawk hlaktuhai kuta inthawkin a sansuok a nih.

1 SAMUEL 27:8

Chun, David le a mihai chu an hang fe a, Gesur mihai dâm, Girzi mihai dâm, Amalek mihai dâm an rûn a; chuong hnamhai chu tienlaia inthawkin Sur ram tieng pang Aigupta ram chena um an nih.

1 SAMUEL 30:1

Chun, a ni thum nia David le a mihaiin Ziklag an tlung chun Amalek mihaiin Simtieng le Ziklag khuo chu an lo rûn zing ta a. Ziklag khuo chu an lo sawisa a, an lo raw a;

1 SAMUEL 7:14

Chun, Philistin mihaiin Israelhai khuo an lâkhai chu Ekrona inthawka Gath chenin Israel mihai an pêk kîr nâwk a, a ram chu Israel mihaiin Philistin mihai kuta inthawkin an sansuok a. Chun, Israel mihai le Amor mihai chu inremin an um a.