NAMBAR 13:28 - Pathien Lekhabu Inthieng (BSI)

²⁸ Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.

NAMBAR 13:28 ပူးပေါင်းရင်းမြစ်များ

2 SAMUEL 21:16

Chun, Isbi-benod, mi lien naupasalhai laia mi, a fei rikzie chu dâr Shekel za thum, kâwlhnâm thar pai chun David chu that a tum a.

NAMBAR 13:33

chutaka chun Anak thlahai, mi lienhai, âwmkhautak tak el kan hmu a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

DÂN PAHNINA 2:21

Anak mihai anga mi lien le tam le mi insângtak tak an nih; nisienlakhawm, Lalpain a sukbohmangpêk a, an hluo ve ta thung a, an hmuna chun an um ta a;

DÂN PAHNINA 3:5

Hieng khuo po po hi kul insângtak tak, kawtkhâr le kalna nei vawng an nih, kul nei lo khuo tamtak tiem lo khawma.

JOSUA 11:22

Israel thlahai rama chun Anakim mihai chu pakhat khawm um an um ta dêr naw a, Gazaa dâm, Gatha dâm, Asdoda dâm ruok chun chu a um an la um a.

JOSUA 14:12

Chuongchun, hi tlâng Lalpain kha nia a lo hril ta kha mi pe el ta la, khânga Anakim mihai an um a, an khawpuihai khawm a ropuiin kula inhuon khup a nih ti kha nia khan i hriet kha, Lalpa chun mi umpuiin, anni chu ka hnawt suok thei rawi mawh, Lalpain a lo hril ta ang khan,” a ta.

JOSUA 15:14

Kaleb chun chu khuoa inthawk chun Anak naupasalhai pathum Sesai hai, Ahiman hai, Talmai hai, Anak nauhai chu a hnawt suok a.

RORELTUHAI 1:20

Chun, Mosiein a lo hril ta angin, Kaleb chu Hebron pêk a ni a; chutaka chun Anak naupasalhai pathum chu a hnawt suok a.