NAMBAR 12:8 - Pathien Lekhabu Inthieng (BSI)

⁸ ama le chun chu thurûk um lovin bauin tlangtakin inbieng kan ta; Lalpa hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo ti a.

NAMBAR 12:8 ပူးပေါင်းရင်းမြစ်များ

INṬANNA 32:30

Chun, Jakobin chu hmun hminga chun Peniel ân bûk a, “Pathien chu a hmaihma ngeiah ka hmua chu ka hringna hi hla a ni si a,” tiin.

INPÂKNA HLABU 17:15

Kei ruok chun felna neiin i hmêl hmûng ka ta, Nanga angna neia ka meng pha chun lungawi tâwk zet tâng ka tih.

INPÂKNA HLABU 49:4

Tekhithuah ka na sit ka ta, Ka thu ril hril chu ṭingṭangin hrilfieng ka tih.

FESUOKNA 19:19

Tawtawrâwt ri chu a hung inring deu deu chun Mosie chun a hang biek a, Pathien râwlriin a hung dawn ta a.

FESUOKNA 20:4

Milim siem fâwm, chungtieng vâna mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i ta dingin i siem ding a ni nawh.

FESUOKNA 33:11

Lalpa chun Mosie chu inhmatuoin, miin a ruol a biek angtakin a biek hlak a. Chun, Mosie chu riebûk tieng a kîr nâwk a, a rawngbâwltu Joshua, Nun naupa, tlangvâl ruok chun puon in chu a mâksan nawh.

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘Lalpa chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

FESUOKNA 33:23

chun, ka kut chu la hmang ka ta, ka hnungtieng chu hmûng i ta, ka hmai ruok chu hmu a ni ding a ni naw,” a ti a.

FESUOKNA 34:30

Aron le Israel mihai po poin Mosie chu an en a, a hmai vun a lo var pup el ti an hmu chun a kâwl hnaia fe chu an ṭi ta a.

THUVARHAI 1:6

Thuvar le tekhithu hrethiem ding le, Mi var thuhai le an thu khirhai chu an hriethiem theina dingin.

ISAI 40:18

Pathien chu tu lêm hrilkhîng in ta? Annawleh, ieng lim am ama le chun hrilkhîng in ta?

ISAI 46:5

Thuhmuna ngai kan nina dingin tulêm in mi tekhi a, tu tluk âm in mi siem a, tu lêm mi hrilkhîng in ta?

EZEKIEL 17:2

“Mihriem naupa, thukhirkhân sie suok la, Israel sûngkuohai kuoma chun tekhithu hril rawh;

EZEKIEL 20:49

Chun, kei chun, “E, Lalpa Pathien! Ama hi tekhithu hriltu a nih an nâwm a nih? an mi ti el a nih,” ka ta.

HOSEA 12:13

Zâwlnei hmangin Israel chu Aiguptaa inthawkin Lalpain a ṭhuoi suok a; Zâwlnei bawk hmang chun a hum bawk a.

NAMBAR 14:14

hi rama mihai hi hril an ta; hieng mipuihai lai hin i um ti an hriet ta a; hmaisan meuin an hmu ta si che a; i sûm chu an chungah a um hlak a; chun, sûnah sûmngîr, zânah meiin an hma i ṭhuoi hlak si a.

NAMBAR 7:89

Chuongchun, intuokna puon ina ama be dinga Mosie a lût chun thuthlung bâwm chunga zângaina ṭhungpha chungtienga cherub pahnihai inkâra inthawk chun ama hung bein râwl a hriet a; râwl chun a biek ta a.

MATTHAI 13:35

zâwlneiin, “Tekhithuin ka bau kâng ka ta, Leihnuoi insieng tîra inthawka thil inthup chu hril dawk ka tih,” tia a hril kha a hung tlung theina dingin.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 15:15

Suok ti nâwk ta naw ning cheu; a pu thilthaw suok chun a hriet si nawh; ruolhai ka ti ta lem cheu a nih. Pa kuoma inthawka thil ka hriet po po in kuomah ka puong ta si a.

JOHAN 15:24

Mi dang tukhawm la thaw ngailo thilhai anni lai thaw ni naw lang chu, suol an nei naw ding bah. Nisienlakhawm, tuhin chu an hmu ta a, chuongsa khawm chun kei le ka Pa an mi theida ve ve tah a nih.

1 KORINTH 13:12

Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim lovin ei hriet a, chu pha ruok chun hriet kim ka ni ang bawk hin hre kim tâng ka tih.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

DÂN PAHNINA 18:15

“Lalpa in Pathienin keima ang hi in unauhai laia mi, zâwlnei siempêk a ti cheu; a thu chu in zâwm ding a nih.

DÂN PAHNINA 34:10

Chutaka inthawk chu Israelhai lai chun Mosie anga Lalpain hmaisan meua a biek zâwlnei hrim hrim an hung um ta naw a,

DÂN PAHNINA 4:15

“Chuleiin, fîmkhur hle ro; Horeb tlânga meia inthawka Lalpain a hung biek ni cheu khan hmêlhmang iengkhawm in hmu si naw a;

DÂN PAHNINA 5:8

“Milim siem fâwm, chungtieng vâna mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i ta dingin i siem ding a ni nawh.

KOLOSSA 1:15

Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

1 THESSALONIKA 4:8

Chuleiin, a pawisa nawtu chu mihriem pawisa naw a ni naw a, Pathien, a Thlarau Inthieng pe hlaktu cheu kha pawisa naw a ni lem.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 1:1

Pathienin inhma khan zâwlneihai hmangin ei thlatuhai kuomah vawi tamtak le kawng dang dangin thu a lo hril hlak a,

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

2 PETER 2:10

châkna inthieng naw kawnga tisa anga um le, rorêlpêkna hmusittuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.

JUDA 1:8

Chuong mihai khawm chun, chuong ang bawkin zêla an umnaa an thil hriethai leiin taksa an sukpawrche a, rorêlpêkna chu an hmusit a, ropuinahai an hrilsiet hlak.