NAMBAR 12:2 - Pathien Lekhabu Inthieng (BSI)

² Anni chun, “Mosie kuoma chau hin am a nih Lalpain thu a hril bîk? Keini kâwla khawm hin a hril naw am a nih?” an ti a. Chu chu Lalpain a lo hriet a.

NAMBAR 12:2 ပူးပေါင်းရင်းမြစ်များ

INṬANNA 29:33

Chun, ân rai nâwk a, naupasal a nei nâwk a, “Lalpa chun theidain ka um ti a hriet leiin hi khawm hi a mi pêk a ni hi,” a ti a; chuongchun, a hmingah Simeon a sak a.

2 SAMUEL 11:27

Chun, a sûn hunbi a bo hnung chun David chun ama in tieng ân ṭhuoitir a, a nuhmeiah a nei ta a, naupasal a neipêk a. Nisienlakhawm, David thilthaw chun Lalpa a suklungni naw a.

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, Lalpa i Pathien chun hrieng a ta, a thuhril, Lalpa i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

FESUOKNA 4:14

Mosie chunga chun Lalpa lunginsenna chu a hung zuol ta a, “Levi mi, i unaupa Aron kha a um naw am a nih? Thu hriltheitak a nih ti ka hriet. Ngai rawh, nangma tuok dingin a hung suok mêk a; a hmu pha che chun a lungrilah lâwm a tih.

FESUOKNA 4:30

Aron chun Lalpain Mosie kuoma thu a hril po pohai chu a hril a, mipuihai hmaa chun inchiknahai chu a thaw ta a.

FESUOKNA 5:1

Chun, chu hnunga chun Mosie le Aron chu an va fe a, Pharao kuomah, “Hieng ang hin Lalpa, Israel Pathien chun a tih, ‘Thlalêra ka kuoma ruoi an ṭhe theina dingin ka mihai chu infetir rawh,’ a tih,” an ti a.

FESUOKNA 7:10

Chun, Mosie le Aron chu Pharao kuoma chun an va lût a, Lalpain thu a pêk ang tak chun an thaw ta a: Aron chun Pharao le a siehlawhai hmaa chun a hmawl chu a pei thlâk a, rûlin a hung inchang ta a.

THUVARHAI 13:10

Chaponaa chun inkhingna a suok a, Thurâwn ṭhataka ruok chun varna a um.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

MIKA 6:4

Aigupta rama inthawk chun ka ṭhuoi suok cheu a, suoka inthawkin kân tlansuok cheu a, in hmaah Mosie hai le, Aron hai le Miriam hai ka hung tir kha.

NAMBAR 11:1

Mipuihai chun Lalpa na hrieta chun mi chier hmang angin thil ṭha naw takhai an hril hlak a; chu chu Lalpa chun a lo hriet chun a lung a chawk ta a; chuongchun, Lalpa mei chu anni lai chun a hung chawk a, an riebûk hmawr tieng chu a kâng ta dur dur el a.

NAMBAR 11:29

Mosie chun a kuomah, “Keia leia ngaimaw am i nih? Lalpa mihai po po chu zâwlnei ni vawng hai sienla. Lalpain an chungah a thlarau chu sie seng sienla ti nâklaiah,” a ta.

NAMBAR 12:3

Mosie chu hnuoi chunga mihriem po poa zainêm tak a na.

NAMBAR 16:3

Mosie le Aron chu sawisêlin an pungkhâwm a, an kuomah, “In insukngêng êm el, mipuihai chu an inthieng seng si a; Lalpa khawm anni lai a um si a; iengdinga Lalpa mipui pungkhâwmhai chunga hin in insie chunghnung bîk am a na?” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:10

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu lovin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

PHILIPPI 2:14

Chierna le insêlnahai um lovin iengkim thaw ro,

PHILIPPI 2:3

Esêlna le inngaihlut leia iengkhawm thaw lovin, mi tinin inngaitlâwmtakin mâni nêkin mi dang ṭha lemah ngai seng raw hai se.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.