NAMBAR 12:14 - Pathien Lekhabu Inthieng (BSI)

¹⁴ Chun, Lalpain Mosie kuomah, “A pain a hmaia chil a sâk ngawt khawma ni sari chu ân zak naw ding am a nih? Riebûk puoah ni sari khum hmang ni sienla, chu zoa chun ṭhuoi lût nâwk ni raw se,” a ti a.

NAMBAR 12:14 ပူးပေါင်းရင်းမြစ်များ

2 LALHAI 15:5

Chun, Lalpain lal chu a hung hrem ta a, chuongchun, a thi ni chen chun ân phâr a, in tumah a um ta a. Chun, lal naupa Jotham chu an rama mihai rorêlpêkin insûng tieng hotuah a um ta a.

JOB LEKHABU (THE BOOK OF JOB) 17:6

Ama chun mihai hrilinsîmah a mi siem a; Mî chil sâk khum ka hung ni ta hi.

JOB LEKHABU (THE BOOK OF JOB) 30:10

An mi pâwlser a, keimaa inthawka hlatakah an ngîr a, Ka hmaia chil mi sâk khum khawm an ma nawh.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

LEVI DÂN 13:4

A taksa vuna puorhai chu a hung vâr a, vun nêka inthûk lema ân lang naw a, a hmul chu a vâr naw chun, hri invawitu chu thiempu chun ni sari khum a tih;

LEVI DÂN 14:8

Chun, ân thien ding chun a puonhai sâwp a ta, invaw fai vawng a ta, ân sil ding a nih; chuongchun, inthieng hung nîng a ta; chu zo chun riebûkah fêng a ta, amiruokchu, a puon in puoa chun ni sari a um ding a nih.

NAMBAR 5:1

Lalpa chun Mosie a biek a,

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

DÂN PAHNINA 25:9

a kekawk hlîppêk a ta, a hmaiah chil sâk a ta, ‘A unaupa sûngkuo indin nuom nawtu chunga chun hieng anga thaw hi ni pei raw se,’ tîng a ta, a dawn ding a nih.

HEBRAIHAI 12:9

Chu naw khawm chu a mi thunun dingin ei taksa pahai ei nei kha, chuonghai chu ei inza si a; chu nêka nasa chun, ei hringna dingin, thlarauhai Pa thu thuin ei um naw ding am a nih?