Chun, lal kuoma chun, “Ka lalpa chun khawhlona neiah mi ruot naw hrâm sienla, lalpa ka puin Jerusalem a suoksan nia i siehlaw hin indik nawtaka a lo thaw tahai kha hre zing bawk naw la, lal chun lungrilah vawn zing naw raw se.
Chun, mihriem an hang tiem zo chun David lungril chu a na ta hle el a. David chun Lalpa kuomah, “Ka thilthawa hin nasatakin ka lo suol tah a nih; nisienlakhawm, tuhin aw Lalpa, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.
Chun, lal chun a dawn a, Pathien mi kuoma chun, “Ka kut hi a hung dam nâwk theina dingin Lalpa i Pathien ngên la, mi ṭawngṭaipêk ta khai,” a ta. Chun, Pathien mi chun Lalpa kuoma chun a ngên a; chun, lal kut chu a hung dam nâwk ta a, a hma ang bawkin a hung um nâwk ta a.
Ama tienga lungril ṭha famkim puttuhai chunga a hrâtzie insuklang dingin Lalpa mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw ta a, chuleiin, tuta chin chu indonahai khawm nei zing tâng i tih,” a ta.
zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, Lalpa i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;
Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.
Chun, mipui po po chun Samuel kuoma chun, “Kan thi nawna dingin Lalpa i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.
Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.