NAMBAR 11:31 - Pathien Lekhabu Inthieng (BSI)

³¹ Chun, Lalpa kuoma inthawk chun thli a hung hrâng a, Mediterranean tuipuia inthawk chun vamîm a hung lên a, bûk khingtieng ni khat lam, khingtienga ni khat lam bawk dâpin bûk vêla chun tawng hni laia insângin ân tlâktir a.

NAMBAR 11:31 ပူးပေါင်းရင်းမြစ်များ

INPÂKNA HLABU 105:40

An hnih a; chuongchun, vamîm a hung ṭhuoi a, Vân buin anni chu a sukkhawp ta a.

INPÂKNA HLABU 106:15

An thil hni chu a pêk a, Nisienlakhawm, an hringnaa chun chêrna ân lûttir a,

INPÂKNA HLABU 135:7

Ama chun sûmhai chu kâwlkila inthawkhai chun ân lâwntir hlak a, Kâwlinlep dâm ruo dingin a siem hlak, A sum ina inthawkhai chun thli a lâk suok hlak.

FESUOKNA 10:13

Chuongchun, Mosie chun Aigupta ram chunga chun a hmawl chu ân let ta a; chun, Lalpa chun chu ni sûnnithlâk le zânkhawvârin ram chunga chun sak thli ân hrângtir a; chun, zîngtieng a hung ni chun, sak thli chun khâuhai chu a hung lên ta a.

FESUOKNA 10:19

Lalpa chun khâuhai po po chu lêna, Tuipui Sena khal lût vawngtu, thlang tieng thli hrâttak el chu ân hrângtir ta a, Aigupta ram po poa chun khâu pakhat khawm a um ta naw a.

FESUOKNA 15:10

Nangin i thli chun în mûttir a, tuipui chun anni ân khum ta a: Tui hrâtahai chun sûon tlang angin an tlum hmang ta a.

FESUOKNA 16:13

Zântieng chun hieng hi a ni a, vamîmhai an hung suok a, riebûk chu a tuomin an hung tuom ta a: zîngkâr ruok chun riebûk vêla chun daidaw a kûr ṭuk el a.

NAMBAR 11:30

Chuongchun, Mosie chu bûka chun a lût nâwk a, ama le Israel mi upahai le chun.