NAMBAR 11:25 - Pathien Lekhabu Inthieng (BSI)

²⁵ Chuongchun, Lalpa chu sûma chun a hung ṭum a, a hung biek a, amaa thlarau chu upa sâwmsari hai chunga chun a sie a. Thlarâu chu an chunga a hung um phingleh thu an hril ta duol a; nisienlakhawm, chuong ang chun an thaw an thaw nâwk ta nawh.

NAMBAR 11:25 ပူးပေါင်းရင်းမြစ်များ

2 LALHAI 2:15

Chun, zâwlnei naupasalhai Jeriko khuoa umhaiin ama chu an lo hmu nâwk chun, “Elija thlarau kha Elisa chunga hin a um ta ngei el,” an ti a, ama chu tuok dingin an hung suok a, a hmaa chun hnuoi sikin an kûn a, chibai an bûk tâwl a.

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw naw a, an dangchâr sukrêna dingin tui i pêk a.

INPÂKNA HLABU 99:7

Sûm ngîra chun an kuomah thu a hril a, A thuinhriettirhai le thuruot a pêk chu an zâwm a.

FESUOKNA 32:32

Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a ti a.

FESUOKNA 34:5

Lalpa chu sûma chun a hung thla a, ama kâwla chun a hung ngîr a, Lalpa hming chu a puong ta a.

FESUOKNA 40:38

An inzin sûng po chun, Israel sûnghai po po mithmuah, Lalpa sûm chu biekbûk chungah sûnah a um a, zâna chun sûma chun meichawk a um hlak a.

ISAI 63:11

Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuipuia inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

EZEKIEL 8:11

An hmaa chun Israel sûngkuoa upahai sâwmsari an ngîr a, anni laia chun Saphan naupa Jaazania chu a ngîr a, mi tin chun an kutah riminhnik râwna thlêng an chawi seng a; chuongchun, riminhnik khu rim chu a hang fe a.

NAMBAR 11:17

Chuongchun, hung ṭum ka ta, chutaka chun hung bieng ka ti che; chun, nangmaa thlarau chu an chunga chun sieng ka ta; nanga khâta phur lovin, mipuihai rikphur chu phurpui an ti che.

NAMBAR 12:5

Puon in kawtkhârah a lo ngîr a, Aron le Miriam chu a ko a, an pahni chun an hung suok a.

NAMBAR 16:25

Chuongchun, Mosie chu a tho a, Dathan le Abiram kuoma chun a va fe a; Israel upahai chun an zui a.

NAMBAR 24:2

Chun, Balaam chu vântieng a tang a, Israel mihai chu a hnam hnama um chu a hmu a, chun, Pathien thlarau a chungah a hung tlung a.

NAMBAR 27:18

Chun, Lalpain Mosie kuomah, “Nun naupa mi lungril neitak Josua chu ṭhuoi la, a chungah i kut innghat la,

THILTHAWHAI 11:28

Chun, anni laia mi pakhat, a hming Agaba, a ngîr a, khawvêl po poah ṭâm nasatak a tlung ding a ni ti Thlalrau hrilin ân hriettir a; chu ṭâm chu Klaudi inlal laiin a hung tlung ta a.

1 KORINTH 14:32

Thuhriltuhai thlarauhai chu thuhriltuhai thununin an um a nih.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

2 PETER 1:21

Thu hrillâwk hrim hrim hi mihriem thua suok a ni ngai si naw a, mihaiin Thlarau Inthieng tirin, Pathien kuoma inthawkin an hril lem hlak a nih.

RORELTUHAI 3:10

Lalpa thlarau chu a chungah a hung a, chuongchun, Israelhai ro chu a rêlpêk ta a; râl do dingin a vân thawk a; chun Lalpain Mesopotamia ram lal Kushan-risathaim chu a pêk a; Kusan-risathaim chu a hne a.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun Lalpa thlarau nasatakin a hung tlung a; thu an hril duol duolnaa chun a ṭhang ve ta a.