NAMBAR 11:23 - Pathien Lekhabu Inthieng (BSI)

²³ Lalpa chun Mosie kuomah, “Lalpa kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

NAMBAR 11:23 ပူးပေါင်းရင်းမြစ်များ

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

2 LALHAI 4:43

A siehlaw chun, “Iengtin am hi hi mi za khat hmaa chun fâk dingin sieng ka ta?” a ti a. Nisienlakhawm, ama chun, “An fâk dingin mipuihai kuoma chun pe rawh, Lalpa chun ‘Fâng an ta, fa sêng naw ni hai,’ a ti a nih,” a ta.

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

INPÂKNA HLABU 78:41

An ngha kîr nâwkin Pathien an fie a, Israelhai mi inthieng chu an suknuor hlak.

FESUOKNA 6:1

Lalpa ruok chun Mosie kuomah, “Tuhin Pharao kuoma ka thil thaw ding chu hmûng i tih: kut thahrâtin anni chu infetir a ta, kut thahrâtin a rama inthawkin hnawt suok a tih,” a ta.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

ISAI 59:1

Ngai ta u, Lalpa kut chu sandam theilo dingin suktawiin a um naw a, a na chu hre theilo dingin, a sêt bawk nawh:

JEREMIA 14:9

Ieng dingin am mi maktia um, mi thilthawtheitak sandam thei silo ang chu nîng i ta? Nang chu, Aw Lalpa, keini lai hin i um a, i hming chawia ko kan na; keini mi mâksan naw rawh.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:27

“Ngai ta, mi tinrêng Pathien, Lalpa chu ka nih, keia ta dingin thil intak taluo a um am a nih?

EZEKIEL 12:25

Lalpa chu ka ni si a: thu hril ka ta, chu ka thuhril chu thawin a um ngei ding a nih; sukbahla ni ta ngai naw ni; aw sûngkaw hel hmang, in nihaia chun thu hril ka ta, thaw ni bawk a tih, Lalpa Pathien chun a tih,” tiin.

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

MIKA 2:7

Aw Jakob sûnghai, Lalpa thlarau chu hnâwdein a um am a nih? Hieng hi a thilthaw am a ni ti a ni dîm a nih? Indiktaka umhai chunga chun ka thu hin thil ṭha a thaw naw am a nih?

NAMBAR 11:22

Berâm ruol le ran ruol khawm thatpêk ta ang inla, an khawp ding am a nih? Mediterranean tuipuia nga po po khawm manpêk inla, an khawp ding am a nih?” a ta.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

MATTHAI 19:26

Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

MATTHAI 24:35

Hnuoi le vân bo a ta, ka thu ruok chu bo naw ni.

LUKA 1:37

Pathien ta ding chun thaw thei naw iengkhawm a um si naw a,” a ta.