NAMBAR 11:20 - Pathien Lekhabu Inthieng (BSI)

²⁰ thla khat pumhlûm, nghawk khawp rak le in hnâr kuoa suok rak khawpin fâng in tih; nangni laia um Lalpa chu dit lova, Ieng dinga Aigupta rama kha suok am ei ni aw, tia a hmaa in ṭap leiin,’ ti rawh,” a ta.

NAMBAR 11:20 ပူးပေါင်းရင်းမြစ်များ

2 SAMUEL 12:10

Chuleiin, tu hin kâwlhnâm chun i insûng chu inkiensan naw tawp a tih, nang chun mi ngainêpin Hit mi Uria nuhmei chu i nuhmei dingin i lâkpêk ta si a.

INPÂKNA HLABU 106:15

An thil hni chu a pêk a, Nisienlakhawm, an hringnaa chun chêrna ân lûttir a,

FESUOKNA 16:13

Zântieng chun hieng hi a ni a, vamîmhai an hung suok a, riebûk chu a tuomin an hung tuom ta a: zîngkâr ruok chun riebûk vêla chun daidaw a kûr ṭuk el a.

FESUOKNA 16:3

Israel mihai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan Lalpa kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an ti a.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

THUVARHAI 27:7

Mi khawp chun khuoithlâr khawm chu a tirdak a, Mi phîngṭâm ta ding ruok chun thil kha tinrêng khawm chu a thlum.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

NAMBAR 11:13

Hieng mipui po po pêk ding hi khâwlaia sa am nei ka ta? ‘Kan fâk dingin sâ mi pe rawh,’ tia ṭapin an mi thaw si a.

NAMBAR 11:19

Ni khat amanih, ni hni amanih, ni nga amanih, ni sâwm amanih, ni sâwmhni amanih el khawm ni lovin,

NAMBAR 11:21

Mosie chun, “Ka umpui kea fe thei ṭhieu khawm mipui nuoi ruk an nih, ‘thla khat pumhlûm fâk ding sâ pêng ka tih,’ ti el chu.

NAMBAR 14:3

Ieng dinga kâwlhnâma thi el dinga Pathienin hi rama hi mi ṭhuoi am a ni aw? Ei nuhmei ei nau le tehai hlak chu man el ding an ni âwm si a. Aigupta rama kîr nâwk el hi eini ta dingin a ṭha lem a ni naw am a nih?” an ta.

NAMBAR 14:4

Chuongchun, an inbiek tâwl a, “Hotu siem ei tiu khai, Aigupta ramah kîr nâwk el ei tiu,” an ti a.

NAMBAR 16:13

Thlalêra mi sukhlum dingin nênetui le khuoizu luongna rama inthawkin i mi ṭhuoi suok hi thil chîn am a ni hrim luo a? Kan chungah lalin în sie nâwk nghâl a.

NAMBAR 20:4

Iengdinga Lalpa mipui hi thi dinga thlalêra hin ṭhuoi lût am i ni a, keini le kan ranhai le hin?

NAMBAR 21:5

Mipuihai thi el dingin iengdinga Aiguptaa inthawka i mi ṭhuoi suok am a na? Bei um lo, tui hlak um bawk lo; hi bei tirdakum khawm hi kan hringna hin a hnâm tah a nih, an ta.

THILTHAWHAI 13:41

‘Hmusittuhai en ta u, Makti unla, bohmang ro; In dam sûng hin thil kawng khat ka thaw hi, Chu thil chu miin hril hai sienla cheu khawm, Awi tawp naw ti niu,’ a ti kha,” a ta.

1 THESSALONIKA 4:8

Chuleiin, a pawisa nawtu chu mihriem pawisa naw a ni naw a, Pathien, a Thlarau Inthieng pe hlaktu cheu kha pawisa naw a ni lem.

JOSUA 24:27

Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.

1 SAMUEL 10:19

Nisienlakhawm, vawisûn hin in lunginzîngna po po le in rinumna po poa sanhimtu cheu in Pathien ngei chu in dit naw a, a kuomah, A ni nawh, lal mi siempêk rawh’ in ti a. Chuleiin, tuhin a hnama hnam le a chia chiin Lalpa hmaah hung inlang ro,” a ta.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.