NAMBAR 11:18 - Pathien Lekhabu Inthieng (BSI)

¹⁸ Chun, nangin mipui kuomah, ‘Zînga ding hin insukthieng vawng unla, chuongchun, sa chu fa ngei in tih. Sa fâk ding tuin am mi pêng a ta? Aigupta rama inhawi ei ti vei leh, tiin Lalpa na hrietah in ṭap a, chuleiin, Lalpain sa pêng a ti cheu a, fa ngei in tih.

NAMBAR 11:18 ပူးပေါင်းရင်းမြစ်များ

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

JOB LEKHABU (THE BOOK OF JOB) 20:13

Hla zingin, insuoktir hlek lovin, A bau sûnga chun kawl zing ta sienla khawm;

JOB LEKHABU (THE BOOK OF JOB) 20:23

A phîng chu suksip ding a ni phingleh, Pathien chun a lungsen ṭiumna chu a chungah buok a ta, A fâk lai chun a chungah a sûrin sûr a tih.

INPÂKNA HLABU 78:20

Ngai ta, lungpui chu a vuokin tuihai kha a hung inkhâw suokin, Vadunghai chu a kuong a liem pûr pûr ta luo a, Bu khawm a pêk thei nghâl am chu? A mihai ta ding hin sa a buotsai ding am chu?” an ti a.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

FESUOKNA 19:10

Lalpa chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:15

Chun, mipui kuoma chun, “Ni thum nia chun inzosa hieuin um unla, nuhmei khawm pâwl dêr naw ro,” a ti a.

FESUOKNA 19:22

Chun, thiempuhai Lalpa hnaia hunghai khawm chu insukthieng raw hai se; chuong naw chun an chungah Lalpa lungninaw rawi a tih,” a ta.

NAMBAR 11:1

Mipuihai chun Lalpa na hrieta chun mi chier hmang angin thil ṭha naw takhai an hril hlak a; chu chu Lalpa chun a lo hriet chun a lung a chawk ta a; chuongchun, Lalpa mei chu anni lai chun a hung chawk a, an riebûk hmawr tieng chu a kâng ta dur dur el a.

NAMBAR 11:19

Ni khat amanih, ni hni amanih, ni nga amanih, ni sâwm amanih, ni sâwmhni amanih el khawm ni lovin,

THILTHAWHAI 7:39

Ei thlatuhai chun a thu an zâwm nuom naw a, an sêl a, an lungrilhai chu Aigupta ram tieng a lêt nâwk ta a.

JOSUA 7:13

Tho la, mipuihai hi inhlân thieng phawt el rawh; chun, an kuomah, ‘Zînga dingin inhlânthieng ro khai, Lalpa Israelhai Pathien chun, “Aw Israelhai, nangni lai hin thil pumpêk a um a nih, nangni laia thil pumpêk hi in lâk hmang hmakhat chun in hmêlmahai hi hne thei naw ti niu,” a ti a nih.

RORELTUHAI 21:2

Chun, mipui chu Bethelah an fe a, Pathien hmaa chun zântieng chenin an ṭhung a, an râwlhai insuoin an ṭap rak rak a.