NAMBAR 11:16 - Pathien Lekhabu Inthieng (BSI)

¹⁶ Lalpa chun Mosie kuomah, “Israelhai upa, mipuihai upa le an hotu nia i hriet mi sâwmsari hai ka kuomah hung ṭhuoi khâwm la, intuokna puon ina nang le ngîr hmunkhat dingin hung ṭhuoi rawh.

NAMBAR 11:16 ပူးပေါင်းရင်းမြစ်များ

INṬANNA 46:27

chun, Josefin Aiguptaa naupasal a neihai chu pahni an nih: Jakob sûnghai po po Aiguptaa lût chu sâwmsari an nih.

FESUOKNA 18:25

Mosie chun Israel mihai laia inthawkin mi thei deu deu a thlang suok a, anni chu mipui luhai ni dingin, sânghai, zahai, sâwmngahai le sâwmhai chunga rorêltuhaiah a sie ta a.

FESUOKNA 24:1

Lalpa chun Mosie kuomah “Nang le Aron, Nadab le Abihu le, Israel upahai sâwmsari leh Lalpa kuomah hung ro; chun, hlataka inthawkin chibai bûk ro.

FESUOKNA 24:9

Chun, Mosie le Aron, Nadab, Abihu le, Israel upa sâwmsari chu an hang fe a;

FESUOKNA 4:29

Chun, Mosie le Aron chu an fe ta a, Israel upahai po po chu an ko khâwm a.

JEREMIA 19:1

Lalpa chun hieng hin a tih, “Fe la, bêl hemtu pil bêl inchaw la, chun, mipuihai laia upahai le, thiempuhai laia upahai ṭhuoi la.

EZEKIEL 8:11

An hmaa chun Israel sûngkuoa upahai sâwmsari an ngîr a, anni laia chun Saphan naupa Jaazania chu a ngîr a, mi tin chun an kutah riminhnik râwna thlêng an chawi seng a; chuongchun, riminhnik khu rim chu a hang fe a.

NAMBAR 11:24

Chuongchun, Mosie chu a suok a, Lalpa thu chu mipuihai chu a hril a; mipuihai upahai sâwmsari chu a ko khâwm a, puon in vêla chun ân ngîrtir a.

NAMBAR 16:25

Chuongchun, Mosie chu a tho a, Dathan le Abiram kuoma chun a va fe a; Israel upahai chun an zui a.

LUKA 10:1

Chu zoa chun Lalpân mi dang sâwmsari a ruot a, a fena ding khaw tina le hmun tinah, a hmaah pahni peiin a tir a.

LUKA 10:17

Chun, sâwmsarihai chu lâwmtakin an hung a, “Lalpa, khawhrihai khawm i hming leiin kan thu thuin an um,” an ta.

DÂN PAHNINA 1:15

Chuongchun, in hnam hotuhai chu ka pawm a, in hnam laia mi, mi var, chinchâng hre mihai in chungah ṭhuoituah ka siem a, sâng chunga hotu dâm, za chunga hotu dâm, sâwmnga chunga hotu dâm, sâwm chunga hotu dâm, ṭhuoituhai khawm.

DÂN PAHNINA 16:18

“Lalpa in Pathienin a pêk cheu in kul kawtkhâr po poah in hnam ang peiin rorêltuhai le hotuhai insiem pei in ta; mipuihai ro feltakin an rêlpêk ding a nih.

DÂN PAHNINA 31:28

An na hrietah hieng thu hi ka hril a, an chungchâng thua hretu dingin vân le hnuoi ka sâl theina dingin in hnam ṭhuoituhai po po, in hotuhai mi ko khâwmpêk ro.