NAMBAR 10:32 - Pathien Lekhabu Inthieng (BSI)

³² Keini leh i fe ve chun, Lalpain thil ṭha a mi thawpêk ang peiin thawpêk vêng kan ti che,” a ta.

NAMBAR 10:32 ပူးပေါင်းရင်းမြစ်များ

LEVI DÂN 19:34

Ram dang mi nangni laia khawsahai chu in ta dingin a ram mi ang hrim an ni ding a nih; nangma i înhmangai angin i hmangai ding a nih; nangni khawm Aigupta rama khan ram dang mi in ni kha: Kei hi Lalpa in Pathien chu ka nih.

DÂN PAHNINA 10:18

Pa nei nawhai le hmeithaihai chu feltakin ro a rêlpêk hlak a; ram dang mihai chu, fâk ding le silfênhai pein a hmangai hlak.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

RORELTUHAI 1:16

Chun, Mosie tarpupa Ken thlahai chu Arad sim tienga Juda ram thlalêra chun Juda thlahai leh tûm khawpuia inthawk chun an hang fe a; anni lai chun an hang um ve ta a.

RORELTUHAI 4:11

Chun, Ken mi Heber chu Ken mi Mosie tarpupa Hobab thlahai laia inthawkin a tumin a lo um a, Kedes kâwla Zaananim rama thingsaisuo hmun kâwlah a puon in a va zar a.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.