NAMBAR 10:29 - Pathien Lekhabu Inthieng (BSI)

²⁹ Chun, Mosie tarpupa Midian mi Reuel naupa Hobab kuomah Mosie chun, “Pêng ka ti cheu, Lalpain a tina hmuna chun ei fe ding a nih; keini lai hung ve la ṭhatakin i chungah thâwng kan ta, Lalpa chun Israelhai chungchâng thu chu ṭhatakin a hril ta si a,” a ta.

NAMBAR 10:29 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 32:12

Nangin, ‘Siem ṭha ngei ngei ka ti che a, i thlahai chu tuisuorieta phaiphin tiem sênglo khawp raua tam angin siem ka ti che,’ i ti si a,” a ti a.

INPÂKNA HLABU 100:1

Ram po pohai, Lalpa chawimawiin hlimtakin khêk ro;

INPÂKNA HLABU 34:8

Aw Lalpa ṭhatzie chu intem sin hrim ta u: Amaa ringna innghattu chu a hamṭha.

INPÂKNA HLABU 95:1

Aw hung ta u, Lalpa chawimawiin hlimtakin hla sak ei tiu; Ei insandamna lungpui chawimawiin hlimtakin khêk ei tiu.

FESUOKNA 18:1

Chun, Jethro, Midian mihai thiempu, Mosie tarpupa chun Mosie le a mi Israelhai ta dinga Pathienin thil a thawpêkzie, Aiguptaa inthawkin Israelhai chu Lalpain a hung ṭhuoi suokzie chu a lo hriet a.

FESUOKNA 18:12

Chun, Mosie tarpupa Jethro chun inthâwinahai le pumrawhmang thilinhlânhai Pathien ta dingin a lâk a; chun Aron chu Israel upahai po po leh Pathien hmaa Mosie tarpupa le bei fa dingin an hung ta a.

FESUOKNA 18:27

Chun, Mosie chun a tarpupa chu ân fetir a; a umna ram tieng chun a fe ta a.

FESUOKNA 2:18

An pa Reuel kuomah an hung chun, “Iengtizie am a na vawisûn chu in va hung inhma de?” a lo ti a.

FESUOKNA 2:21

Chun, Mosie chu chu mipa kuoma um ding chun ân sukthlûk ta a; ama chun a naunu Zippora chu Mosie a pêk a.

FESUOKNA 3:1

Mosie chun a tarpupa Jethro, Midian mihai thiempupa berâm ruol chu a enkawl a: chun, berâm ruol chu thlalêr tlâktieng pangah a ṭhuoi a, Pathien tlâng Horeba chun a hung a.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

FESUOKNA 6:4

Khuolchâm anga an umna ram, Kanaan ram chu anni pe dingin an kuomah thuthlung ka siem bawk a.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

NAMBAR 10:28

Chuong ang chu a nih Israel mipuihai an pâwl tam dân ang peia an fe dân chu; chuong ang tak chun an suok ta a.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

THILTHAWHAI 7:5

Chun, hitaka hin chu iengkhawm hmun hluo ding, a ke innghatna khawp khawm a pêk naw a; nisienlakhawm, ama le a hnunga a thlahai chena ro dingin pêk a tiem a, nau a la nei hma ngei khawmin.

DÂN PAHNINA 30:5

Chun, Lalpa in Pathienin in pi le puhaiin an hluo rama khan ṭhuoi lût nâwk a ti cheu a; hluong in ta, amân sukvângnei a ti cheu a, in pi le puhai khûmin sukpung a ti cheu.

DÂN PAHNINA 4:40

Kumkhuoa dinga Lalpa in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

RORELTUHAI 1:16

Chun, Mosie tarpupa Ken thlahai chu Arad sim tienga Juda ram thlalêra chun Juda thlahai leh tûm khawpuia inthawk chun an hang fe a; anni lai chun an hang um ve ta a.

RORELTUHAI 4:11

Chun, Ken mi Heber chu Ken mi Mosie tarpupa Hobab thlahai laia inthawkin a tumin a lo um a, Kedes kâwla Zaananim rama thingsaisuo hmun kâwlah a puon in a va zar a.

1 SAMUEL 15:6

Chun, Saula chun Ken mihai kuoma chun, “Hung suok unla, Amalek mihai laia inthawk hin insie fihlîm ro, chuong naw chun sukhlum sa rawi ka ti cheu, nangni chun chu Israel thlahai po po Aigupta rama inthawka an hung suok khan in lo lunginsiet si a,” a ta. Chuongchun, Ken mihai chu Amalek mihai laia inthawk chun an suok ta a.