Chun, David chun, “Tu dang khawm ni lovin, Levi mihai chauin Pathien bâwm chu hang la raw hai se; Lalpa chun anni chu Pathien bâwm phur dinga a ruot le ama ta dinga rawngbâwl zing zing dinga a ruot an ni si a,” a ta.
Hienghai hi an pahnam anga Levi naupasalhai chu an nih, tiemna laia an pahnamhai luhai chu an na, Lalpa ina rawngbâwlnaa sinthawtuhai, tiem an ni dânbi anga hming suota nizât, kum sâwmhnia inthawka chungtieng an nih.
Chun, biekbûk chu a suok ding po leh Levi mihai chun ṭhiek hlak an ta, chun, biekbûk chu keizar ding a ni po leh, Levi mihai chun keizar hlak an tih, hnam dang a hung inrawl ve taphawt chu sukhlum ding nîng a tih.