NAMBAR 1:54 - Pathien Lekhabu Inthieng (BSI)

⁵⁴ Chuong ang chun Israel mihai chun an thaw a; Lalpain Mosie thu a pêk ang po po chun an thaw ta a.

NAMBAR 1:54 ပူးပေါင်းရင်းမြစ်များ

FESUOKNA 12:28

Chun, Israel mihai chu an fe a, Lalpain Mosie le Aron thu a pêk ang ngei chun an thaw ta a.

FESUOKNA 39:32

Chuong ang chun intuokna puon in sin po po chu zo a ni ta a, chun Israel mihai chun Lalpain Mosie thu a pêk po po angtak chun an thaw a, chuong ang tak chun an thaw ta a.

FESUOKNA 39:43

Mosie chun an sinthawhai po po chu a en a, Lalpain thu a pêk ang tak chun an thaw zo tah ti a hmu a; chuong ang tak chun an thaw zo ta a; chun, Mosiein anni chu mal a sâwm ta a.

FESUOKNA 40:16

Lalpain thu a pêk po po angin Mosie chun a thaw a; chuong ang tak chun a thaw a nih.

FESUOKNA 40:32

intuokna puon ina an lût pha le maichâm hnaia an hung pha an sâwp hlak; Lalpain Mosie thu a pêk ang tak chun.

NAMBAR 1:19

Lalpain Mosie thu a pêk angin Sinai thlalêra chun a tiem ta a.

NAMBAR 1:53

Levi mihai ruok chun Israel mi pungkhâwmhai chunga lunginsenna a um nawna dingin inhriettirna biekbûk vêla chun an zar ding a nih. Levi mihai chun inhriettirna biekbûk chu an enkawl ding a nih,” tiin a lo hril ta si a.

NAMBAR 2:1

Lalpa chun Mosie le Aron a biek a,

NAMBAR 2:34

Chuong ang chun Israel mihai chun an thaw a; Lalpain Mosie thu a pêk ang peiin a pâwl pâwlin an zar a, chun, chuong ang bawkin a chi chiin, a sûngkuo peiin an suok hlak.

NAMBAR 36:10

Chun, Lalpain Mosie chu thu a pêk ang charin Zelophehad naunuhmeihai chun an thaw a.

NAMBAR 8:20

Chuong ang chun Mosie hai, Aron hai, Israel mi pungkhâwmhai po po chun Levi mihai chunga chun an thaw a; Levi mihai chungchâng thua Lalpain Mosie thu a pêk ang po po chun an chungah Israel mihai chun an thaw a.

NAMBAR 9:22

Biekbûk chungah sûm chu ni hni amanih, thla khat amanih, kum khat amani khawm a um chun, chutaka a um zing chun Israel mihai chun umhmun an khuor zing a, an fe ngai naw a; ân vawr sâng ruok chun an fe hlak.

NAMBAR 9:5

Chuongchun, Sinai thlalêra chun thla khatna ni sâwmpali ni zântieng fekân ruoiṭhe chu an nei ta a; Lalpain Mosie thu a pêk ang po po chun Israel mihai chun an thaw a.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

DÂN PAHNINA 12:32

“Thaw dinga thu ka pêk taphawt cheu chu in thaw ding a na, in belsa ding a ni naw a, in suktlâwm ding a ni bawk nawh.

1 SAMUEL 15:22

Chun, Samuel chun, “Lalpa chun Lalpa thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.