NAHUM 3:3 - Pathien Lekhabu Inthieng (BSI)

³ Sakawr chungchuong mihaiin kâwlhnâm tât tle le fei inlet de zawt zawtin hma an nawr a. Mi tamtak thatin an um a, mithi ruong tiemsênglo a um a, ruonghaia chun an inpal nawk nawk a.

NAHUM 3:3 ပူးပေါင်းရင်းမြစ်များ

INṬANNA 3:24

Chuongchun, mihriem chu a hnawt dawk ta a; chun, hringna thing lampui chu vêng dingin Eden huon saktieng panga chun Cherubhai le mei kâwlhnâm inlet tuo zawk zawk chu a sie ta bawk a.

2 LALHAI 19:35

Chuongchun, chu zân chun hieng ang hi a hung na, Lalpa vântirko chu ân thawk suok a, Assuria mihai riekhmuna chun mi nuoi khât le sîng riet le sâng nga a sukhlum a; chun, zîngkâra an hang tho chun, ngai ta, mithi ruong khât el a lo ni tah el a.

ISAI 34:3

Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

EZEKIEL 39:4

Israel tlânghai chunga chun tlûng i ta; nang le i pâwlhai po po le, hnam tamtak nanga kuoma umhai le chun, chun, fâk zo dingin vate chi tin phîngṭâmhai le rama ramsahai kuoma chun pêng ka ti che.

LEVI DÂN 26:37

Tu ihnawt lovin kâwlhnâma hnawt ang elin inpalthlu rem rum an ta; in hmêlmahai lo dang dingin hrâtna hrim hrim nei naw ti niu.

NAHUM 2:4

Tawlailîrhai chu kawtthlêra chun an tlân bur bur a, lamlien lienhaia chun an insuk sawk sawk a, meiser angin an inlang a, kâwlinlep angin an tlân thuok thuok a nih.

HABAKKUK 3:11

Nisa le thla chu an umnaa chun an ngîr zing a, I thalhai kâp suoka umhai vara le, I fei tle zawr zawr vara chun.