NAHUM 3:17 - Pathien Lekhabu Inthieng (BSI)

¹⁷ I mi lallukhum khumhai chu khâuhawn ang an na, i sipai hotuhai chu khaw dei nia khâu ruol pala fu khâwm ang an nih, amiruokchu, nisa a hung suok a, an vuong hmang a, an umna hmun hrim hriet a ni nawh.

NAHUM 3:17 ပူးပေါင်းရင်းမြစ်များ

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

EZEKIEL 31:12

Ram dang mi hnamhai ṭisimhai chun, ama chu an sât thlâk a, ama chu an mâksan ta a; tlâng chungahai le phairuom po poahai chun a kâuhai chu an tla a, a kâuhai po po chu rama tui luongnahai chun an suktliek bawk a; hnuoia hnam tinhai chu a hlima inthawk chun an fe thla a, an mâksan ta a.

NAHUM 2:9

Tangkaruo râllâkhai chu lâkpêk unla, rângkachak râllâk sumhai chu lâkpêk ro; thil sêkkhâwl le thuomhnaw ṭha po po ropuizie chun tâwpintai a nei si nawh.

THUPUONGSUO 9:7

Chun, khâuhai piengzie chu sakawr, indona dinga inzosa ang an nih; lallukhum ang el rângkachak ang an khum a, an hmai khawm mihriem hmai ang a nih.