NAHUM 3:13 - Pathien Lekhabu Inthieng (BSI)

¹³ Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.

NAHUM 3:13 ပူးပေါင်းရင်းမြစ်များ

INPÂKNA HLABU 107:16

Ama chun dâr kawtkhârhai chu a suksiet a, A kalna thîrtluonhai chu a sukbawng ta si a.

INPÂKNA HLABU 147:13

Ama chun i kul kawtkhârhai kalna thingtluonhai chu a sukngar a, I sûnga i nau le te umhai chu mal a sâwm si a.

ISAI 19:16

Chu nia chun Aigupta mihai chu nuhmei ruol ang nîng an ta, sipaihai Lalpa kut thin chu an chunga a thin leiin inthinin ṭîng an tih.

JEREMIA 50:36

Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

JEREMIA 50:37

Kâwlhnâm chu an sakawrhai chunga dâm, an sakawr tawlailîrhai chunga dâm, ama sûnga mi chilakhai po po chunga dâm chun a um a, chuongchun, anni chu nuhmei ang el nîng an ta, kâwlhnâm chu a ro inhai chunga chun a um a, inrûkin um a tih.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

OBADIA 1:9

Aw Teman, Esau tlânga inthawka mi tin sukbohmanga an um vawngna dingin, i mi hrâthai chu nasatakin ṭîng an tih.

NAHUM 2:6

Vadung kawtkhârhai chu hawng a na, lal in chu sukramin a um a.

NAHUM 2:7

Chun, Huzzab chu an hlîp a, an fe hmangpui a, a suoknuhai chun an âwm inchumin vaṭhu inhrâm ang elin an ṭa a.

NAHUM 3:15

Chutaka chun meiin kâng hmang a ti che a, kâwlhnâmin sât hlum a ti che, khâu angin sukbohmang a ti che: khâu angin insukpung la, khâuhawn angin insukpung rawh.