NAHUM 2:5 - Pathien Lekhabu Inthieng (BSI)

⁵ A mi lienhai chu a hrietsuok a, an fe inruol chu an pêm a; kul bang tieng pan chun an inhmawh a, thil phên ding an siem a.

NAHUM 2:5 ပူးပေါင်းရင်းမြစ်များ

ISAI 21:5

Dawkân chu an buotsai a, râlvêngtu chu an invêngtir a, an fâk a, an dâwn a; mi lienhai, tho unla phaw kha hriek nâl ro.

ISAI 5:27

Anni laia tukhawm sâwl naw ni hai a, insui bawk naw ni hai; tukhawm inlusu naw ni hai a, ininnghil bawk naw ni hai; an kâwngkhi chu sûtthâwlin um naw ni a, an kekawk khitna chu intan bawk naw nih;

JEREMIA 46:12

Hnamhai chun în zakna chu an lo hriet a, i khêkri chun hnuoi chu a sip zo tah; mi thilthawthei chu mi thilthawtheia ma chun ân suithlu a, an pahni hni chun an tlu rêl a nih.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

NAHUM 2:6

Vadung kawtkhârhai chu hawng a na, lal in chu sukramin a um a.

NAHUM 3:18

Aw Assuria lal, i berâm vêngtuhai chu an inlusu ie, i mi lienhai chu an châwl a, i mipuihai chu tlânghaia chun an indar zo a, ṭhuoi khâwmtu tukhawm an um nawh.

NAHUM 3:3

Sakawr chungchuong mihaiin kâwlhnâm tât tle le fei inlet de zawt zawtin hma an nawr a. Mi tamtak thatin an um a, mithi ruong tiemsênglo a um a, ruonghaia chun an inpal nawk nawk a.

HABAKKUK 1:8

An sakawrhai chu keitêhai nêkin an hrât lem a, Zântienga satenehai nêkin ṭi an um lem a nih; chapotakin an inân a; An sakawr chung chuongmihai chu hlataka inthawkin an hung a, Mupuiin hrâttaka sa a baw angin an vuong a.