NAHUM 2:4 - Pathien Lekhabu Inthieng (BSI)

⁴ Tawlailîrhai chu kawtthlêra chun an tlân bur bur a, lamlien lienhaia chun an insuk sawk sawk a, meiser angin an inlang a, kâwlinlep angin an tlân thuok thuok a nih.

NAHUM 2:4 ပူးပေါင်းရင်းမြစ်များ

THUVARHAI 31:21

A insûng ta ding chun vûr chu a ṭi naw a, A insûng sûngkuohai po po chu sen inlâra inthuom an ni si a.

ISAI 37:24

I siehlawhai hmangin Lalpa chu i sukhmingsiet a, Ka tawlailîr tamtakhai leh tlâng ram, Lebanon ram rilahai hin ka hung tlung ta a;sidar thing insângtakhai le a far thing ṭha mihai hi phûr ka ta; a hmun inzotak, a hnuoi ṭhatna hmun rampuia chun lût ka tih.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

JEREMIA 4:13

Ngai ta, ama chu sûmhai angin a tungin hung a ta, a sakawr tawlailîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um si a.

JEREMIA 46:9

Nangni sakawrhai, hang fe unla, nangni sakawr tawlailîrhai, lunginsen ro; mi thilthawtheihai khawm chu fe suok raw hai seh; Ethiopia le Put mihai, phaw hmang mihai le, Lud mi thalngul kuoi hmang mihai chu.

EZEKIEL 23:24

Chun, nanga chunga chun hriemhreihai, sakawr tawlailîrhai, tawlailîrhai, mipui inkhâwm nasatak leh hung do an ti che a; a vêlin, thîr lukhumhai, âwmphawhai le phawhai le an hung ep ding che a nih; chun, an kuoma chun rorêlna dân ang peiin i chungah rorêlpêk an ti che.

EZEKIEL 26:10

A sakawrhai tam lei chun pilvut chun hung inkhum an ti che a; khawpuia lûtna siema uma, mihai an lût anga, i dâi kawtkhârhaia chun a hung lût pha chun sakawr tawlailîrhai, tawlailîrhai le sakawr chung chuong mihai ri chun i kul bang chu inhnîng a ta.

EZEKIEL 26:7

Lalpa Pathien chun hieng hin a ti si a: Ngai ta, hmartienga inthawkin, lalhai lal Babulon lal Nebukadnezzar chu, sakawr tawlailîrhai leh, pâwl ruol le mi tamtak leh Tura chunga hin hung ṭhuoi ka ta.

DANIEL 11:40

Chun, hun tâwpa chun simtieng lal chun ama chu nawr a ta; hmârtieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.