NAHUM 2:11 - Pathien Lekhabu Inthieng (BSI)

¹¹ Tukhawm isukṭit lova an umna, sakeibakneichal dâm, sakeibakneipui dâm, an fe vêlna sakeibaknei bu zâwl le sakeibakneitehaiin an fâkna hmun chu khâw lai am a na?

NAHUM 2:11 ပူးပေါင်းရင်းမြစ်များ

INṬANNA 49:9

Juda hi sakeibakneite a nih; Ka naupa, i sase chu i hang fesan ta a, A kûn a, sakeibakneichal angin a bawk a, Sakeibakneipui ang bawk siin, tuin am suktho ngam an ta?

ISAI 13:7

Chuleiin, kut po po chu hrât naw ni a, mihriem lungril tinrêng khawm intuihmang a tih;

ISAI 31:4

Lalpa chun hieng ang hin ka kuomah a hril si a, “Sakeibaknei le sakeibaknei vânglaiin sa a hau lai chun berâm vêngtu tamtak a thaw dinga ko suokin um hai sienla khawm, an râwl chu ṭi naw ni a, an risiet leiin ân tîm chuong naw ding ang hin, sipaihai Lalpa chu Zion tlânga le a muol pâwnga thaw dingin a hung ṭum ding a nih.

ISAI 5:29

An ri inri dur dur chu sakeibaknei inrûm ang el nîng a ta, sakeibaknei vânglaihai inhûk ang elin inri dur dur an tih; anih, inri dur dur an ta, an sa se ding chu sêng an ta, himtakin fe hmangpui an tih, sansuoktu ding tukhawm um naw ni hai.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 50:44

“Ngai ta u, umhmun det chu doin, Jordan chaponaa inthawk chun sakeibaknei angin hung suok a ta; amiruokchu, amaa inthawk chun intlânsiettir vak ka tih; chun mi ama chunga thunei ding chun ruot ka ta; kei ang hi tu am an um hrim a? Tuin am hun mi ruotpêk a ta? Berâm vêngtu ka hmaa ngîr ding chu tu am a na?

EZEKIEL 32:2

“Mihriem naupa, Aigupta lal Pharao ta dingin sûnna hla siem la, a kuoma chun hril rawh; Nang chu hnamhai lai chun sakeibaknei vânglaiah în ngai a, Amiruokchu, tuipuia rûlpui ang chu i nih; I vadungpuihaia chun i hung inper a, I kehaiin tuihai chu i hung chawkvir a, An vadungpuihai chu i hung suksiet ta a.

JOEL 2:6

An hmaa mipuihai chu an thlaphâng a, an hmêlhai chu a hung dâng vawng ta a.

MIKA 5:6

Assuria ram chu kâwlhnâmin suksieng an ta, Nimrod ram chu a lûtnaa chun sukse bawk an tih; chun, ama chun ei ramah Assuria mi a hung a, ei ram chu a hung sir pha chun, amaa inthawk chun mi sansuok a tih.

NAHUM 2:12

Sakeibakneichal chun a têhai khawp tâwk a keinâwi a, sakeibakneipuihai ta dingin a se hlum a, a pûkhai chu a sasein a suksip a, a bu zâwlhai chu saruong kei nâwiin.

NAHUM 3:1

Thisen insuo hmang khawpui chu a chung a rik ie! Khêl le inrawknain a sip vawng a; an sase chu a chatlak nawh.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

NAMBAR 23:24

Ngai ta, mipuihai chu sakeibakneipui angin an tho a, Sakeibaknei angin an inchâwm tho a: An sase an fâk hma chun zâl naw ni hai a. An sase thisen chu an dâwn hma chun,” a ta.