NAHUM 2:10 - Pathien Lekhabu Inthieng (BSI)

¹⁰ Sukruokin a um a, sukrêm a ni a, suksiet dêr a nih, lungril chu ân tuihmang a, khûphai chu ân vuoktuo a, kâwng po po chu a na ngawi ngawi a, an rênga hmêl chu a dâng zo vawng a nih.

NAHUM 2:10 ပူးပေါင်းရင်းမြစ်များ

INṬANNA 1:2

Chun, hnuoi hi a sie le a ruok ngawt a na, tui inthûktak chung chu ân thim mup a. Pathien Thlarau chun tui chunghai chu a awp zing a.

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain a mi man ta a; naa hre thei lo khawp hielin na ka tuor a; khaw hmu thei lo khawp hielin ka lunginzîng a.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

JEREMIA 30:6

Tuhin indawn unla, en vêl ta u, pasal nauhasea na an um hlak am? Iem a ti a nuhmei nauhase nat tuor ang hrieu a, pasal tin chu a kuthai a taiah innghata, mi tin hmai chu dâng vawnga ka hmu hi?

JEREMIA 49:23

Damaska chungthu chu. Hamath chu ân zak, Arpad leh; chanchin ṭha lo an lo hriet a, an intuihmang ta si a; tuisuoriet infâwn re thei lo angin an buoi a.

JEREMIA 51:62

‘Aw Lalpa, nang chun hi hmun chungchâng thua hin, sât thlâk ding a nizie dâm, tukhawm an chêng naw dingzie dâm, mihriem amanih, ramsa amani khawm an chêng naw dingzie le, kumkhuoa râusan a ni dingzie chu i lo hril ta a,’ ti la.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

EZEKIEL 21:7

Chun, i kuomah, ‘Ieng am i thuokindawng pui leh?’ an ti pha chun, ‘Chanchinhai leiin, a hung tlung mêk si a,’ tîng i ta; chun, lungril tin chu intui a ta, kut po pohai chu hung châu an ta, thlarau tin chu hung châuhâwp an ta, khûphai po po khawm chu tui angin hung zawi an tih; ngai ta, a hung mêk a, thaw khawm a ni ngei ding a nih, Lalpa Pathien chun a tih, tîng i tih,” a ta.

EZEKIEL 31:15

“Lalpa Pathien chun hieng hin a tih; Hremhmuna a fe thlâk ni chun, sûnna ka siem a; ama ta dingin li inthûk chu kân khum a, chutaka vadungpuihai chu ka sukchâwl a, tui nasatakhai khawm chu an châwl ta a; chun, Lebanon chu ama sûn dingin ka siem a, chun, rama thinghai po po chu ama lei chun an thidang a.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi ta a; a kâwngru insuktuoknahai chu a hung inthâwt a, a khûp le khûp chu an invuoktuo ta a.

JOEL 2:6

An hmaa mipuihai chu an thlaphâng a, an hmêlhai chu a hung dâng vawng ta a.

NAHUM 2:2

Israelhai ropuina angin Jakobhai ropuina chu Lalpa chun ân ngîr nâwk si a; sukruoktuhaiin anni chu an sukruok zo ta a, an grêp kauhai an suksiet zo ta si a.

NAHUM 3:7

Chun, hieng ang hi hung nîng a ta, a hmu taphawt che chu i kuoma inthawkin tlân hmang an tih. Ninevi khuo chu a hung tâwp tah a nih; tuin am sûn a ta? Khâwlaia inthawkin am i ta dingin lungmuongna ei zawng ding chu aw! tîng an tih.

ZEPHANIA 3:6

Hnamhai chu ka sât thlâk a, an in insânghai chen khawm chu râusanin a um ta a; an kawtthlêrhai chu ka suksiet vawng a, tukhawma an hraw ta naw a; an khawpuihai chu suksietin a um a, chuongchun, mi an um ta naw a, a hluotu khawm an um ta nawh.

JOSUA 2:11

Chu chu kan lo hriet phingleh kan lungrilhai chu ântui zo a, nangni lei hin, mi tukhawm lungril mumal put hrim hrim hi an um naw a, Lalpa in Pathien chu chungtieng vâna le hnuoitieng hnuoiah Pathien a ni si a.

JOSUA 7:5

Ai mihai chun mi sâwmthum le paruk lai an lo that a, dai kawtkhâr bula inthawk Sebarim chen rauin an hung hnawt a, an liem thlâknaa chun an that tâwl a, chun, mihai lungril chu ân tui zo ta a, tui ang el a lo ni ta a.